தமிழ் திரையுலகின் முன்னணி நடிகர்களில் ஒருவரான சூர்யா தனது 46வது திரைப்படமாக உருவாகி வரும் விஸ்வநாத் & சன்ஸ் படத்தின் மூலம் ரசிகர்களை மீண்டும் சந்திக்க தயாராகி வருகிறார். இந்தப் படம் குறித்து வெளியாகும் ஒவ்வொரு அப்டேட்டும் ரசிகர்களிடையே பெரும் எதிர்பார்ப்பை ஏற்படுத்தி வரும் நிலையில், தற்போது படத்தின் டீசர் வெளியீடு குறித்த அறிவிப்பும் வெளியாகி பெரும் கவனத்தை ஈர்த்துள்ளது.
இந்த திரைப்படத்தை தெலுங்கு திரையுலகின் பிரபல இயக்குநரான வெங்கி அட்லூரி இயக்கி வருகிறார். இவர் இதற்கு முன் பல வெற்றி படங்களை இயக்கியதன் மூலம் தனக்கென ஒரு ரசிகர் பட்டாளத்தை உருவாக்கியுள்ளார்.
அந்த வகையில், சூர்யாவுடன் இணையும் இந்த கூட்டணி தமிழ் மற்றும் தெலுங்கு திரையுலக ரசிகர்களிடையே பெரும் ஆர்வத்தை ஏற்படுத்தியுள்ளது.
இந்த படத்தில் சூர்யாவுடன் இணைந்து பல முக்கிய நடிகர்கள் நடித்து வருகின்றனர். குறிப்பாக இளம் நடிகையான மமிதா பைஜூ இந்தப் படத்தில் முக்கிய கதாபாத்திரத்தில் நடிக்கிறார். அதேபோல், பாலிவுட் நடிகையான ரவீனா டான்டன் முக்கியமான பாத்திரத்தில் தோன்றுகிறார். மேலும் பவானி ஸ்ரீ மற்றும் அனுபவமிக்க நடிகையான ராதிகா சரத்குமார் உள்ளிட்ட பலரும் இந்த படத்தில் முக்கிய கதாபாத்திரங்களில் நடித்து வருகின்றனர்.
இப்படத்திற்கு இசையமைப்பாளராக G. V. பிரகாஷ் குமார் பணியாற்றுகிறார். தமிழ் சினிமாவில் பல வெற்றி படங்களுக்கு இசையமைத்துள்ள ஜி.வி. பிரகாஷ் குமார், இந்தப் படத்திற்கும் சிறப்பான பாடல்கள் மற்றும் பின்னணி இசையை வழங்குவார் என்ற எதிர்பார்ப்பு ரசிகர்களிடையே உள்ளது.
இந்நிலையில், இந்த திரைப்படம் தொடர்பான முக்கிய அப்டேட்டாக, “விஸ்வநாத் & சன்ஸ்” படத்தின் டீசர் வெளியீடு குறித்த அறிவிப்பை படக்குழு அதிகாரபூர்வமாக வெளியிட்டுள்ளது. அதன்படி, இந்தப் படத்தின் டீசர் வரும் மார்ச் 16 ஆம் தேதி மாலை 4.06 மணிக்கு வெளியாகும் என்று அறிவிக்கப்பட்டுள்ளது. இந்த அறிவிப்பு வெளியானதும், சமூக வலைத்தளங்களில் ரசிகர்கள் மத்தியில் பெரும் உற்சாகம் உருவாகியுள்ளது.
_69b52a7c5a074.jpg)
_69b51993220e7.jpg)
_69b3cb9926dae.webp)
.png)
.png)
Listen News!