ஹரிஷ் கல்யாண் தமிழ்ப் புத்தாண்டு தினத்தை முன்னிட்டு தனது குடும்பத்தில் மகிழ்ச்சியான தருணத்தை கொண்டாடியுள்ளார். சமீபத்தில் தந்தையாக ஆன அவர், தனது மகளுக்கு இன்று (ஏப்ரல் 14) பெயர் சூட்டியுள்ளார். ‘கிரியா ஹரிஷ்’ என்று தனது மகளுக்கு பெயர் வைத்திருப்பதாக சமூக வலைத்தளங்களில் அவர் பகிர்ந்துள்ளார். இந்த செய்தி ரசிகர்களிடையே பெரும் மகிழ்ச்சியை ஏற்படுத்தியுள்ளது.
ஹரிஷ் கல்யாண் கடந்த 2022ஆம் ஆண்டு நர்மதாவை திருமணம் செய்து கொண்டார். அதன் பிறகு, இந்த ஆண்டு மார்ச் 3ஆம் தேதி இவர்களுக்கு பெண் குழந்தை பிறந்தது. அந்த சந்தோஷ தருணத்தை தொடர்ந்து, தற்போது தமிழ் புத்தாண்டு நாளில் பெயர் சூட்டியிருப்பது அவருக்கு மேலும் சிறப்பான நினைவாக மாறியுள்ளது.
திரைப்படங்களில் பிஸியாக இருக்கும் இவர், கடைசியாக நடித்த ‘டீசல்’ திரைப்படம் கலவையான விமர்சனங்களை பெற்றது. தற்போது வினீத் வரபிரசாத் இயக்கும் ‘தாஷமக்கான்’ மற்றும் ‘நூறு கோடி வானவில்’ போன்ற படங்களில் நடித்து வருகிறார்.
இந்த இனிய செய்தியை தனது இன்ஸ்டாகிராம் பக்கத்தில் பகிர்ந்துள்ள ஹரிஷ் கல்யாணிற்கு, திரையுலக நண்பர்கள் மற்றும் ரசிகர்கள் பலரும் வாழ்த்துகளை தெரிவித்துவருகின்றனர். தமிழ் புத்தாண்டு நாளில் இப்படியான மகிழ்ச்சி தருணம் அவரின் குடும்பத்திற்கு இரட்டிப்பு சந்தோஷத்தை அளித்துள்ளது.
.png)
.png)
Listen News!