நித்திலன் சுவாமிநாதன் இயக்கத்தில் மாபெரும் வெற்றி பெற்ற திரைப்படம் ’மகாராஜா’. இதில் மக்கள் செல்வன் விஜய் சேதுபதி கதாநாயகனாக நடித்து அவரது 50வது திரைப்படமாக கடந்த ஜூன் மாதம் திரையரங்குகளில் வெளியானது.
மேலும் இதில் விஜய் சேதுபதியுடன், அபிராமி, முனிஷ்காந்த், நட்டி, சிங்கம் புலி, அனுராக் காஷ்யப், சாச்சனா உள்ளிட்ட பலர் நடித்திருந்தனர். 'மகாராஜா' திரையரங்குகளில் வெளியானது முதல் அனைவரது பாராட்டையும் பெற்றது. சாதாரண பழி வாங்கும் கதையை வித்தியாசமான முறையில் விறுவிறுப்பாக சொன்ன விதம் ரசிக்க வைத்துள்ளது.
சினிமா பிரபலங்கள் ரஜினிகாந்த் முதல் அனைவரும் மகாராஜா படத்தை பாராட்டினர். இப்படம் திரையரங்குகளில் 100 கோடிக்கு மேல் வசூல் செய்து சாதனை படைத்தது. அதுமட்டுமின்றி மகாராஜா திரைப்படம் ஓடிடி தளத்தில் வெளியாகி அதிக பார்வையாளர்கள் பார்த்த இந்திய படங்கள் வரிசையில் முதல் இடம் பிடித்து.
இந்நிலையில் இந்த திரைப்படத்தினை சீன மொழியில் வரும் நவம்பர் 29ஆம் தேதி வெளியிட உள்ளதாக படக்குழு அறிவித்துள்ளது. இந்த அறிவிப்பால் படக்குழு ரசிகர்கள் அனைவரும் அதிக சந்தோசத்தில் உள்ளனர்.
.png)
.png)
Listen News!