• Feb 04 2023

கோபமாக கிளம்பிய தனுஷ்: கேப்டன் மில்லர் படப்பிடிப்பு ஏற்பட்ட சிக்கல்..!

Listen News!
Aishu / 2 weeks ago
image

Advertisement

Listen News!

தனுஷ் நடித்து வந்த கேப்டன் மில்லர் படத்தின் ஷூட்டிங் பாதியில் நிறுத்தப்பட்டதாக தகவல் வெளியாகி ரசிகர்களை அதிர்ச்சி அடைய வைத்திருக்கிறது.

 காதல் மனைவியான ஐஸ்வர்யா ரஜினிகாந்தை பிரிந்த பின்னர் கை நிறைய படங்கள் வைத்துக் கொண்டு படுபிசியாக நடித்து வருகிறார் தனுஷ். வெங்கி அட்லுரி இயக்கத்தில் தனுஷ் நடித்திருக்கும் வாத்தி படம் பிப்ரவரி மாதம் ரிலீஸாகவிருக்கிறது. அவர் அருண் மாதேஸ்வரன் இயக்கத்தில் கேப்டன் மில்லர் படத்தில் நடித்து வந்தார்.அத்தோடு செப்டம்பர் 2ம் தேதி பூஜை போட்டு படப்பிடிப்பை துவங்கினார்கள்.

தென்காசி மற்றும் கேரள வனப்பகுதிகளில் படப்பிடிப்பை நடத்தி வந்தார்கள். பெரும்பாலான காட்சிகளை தென்காசியில் படமாக்க திட்டமிட்டார்கள். 1980களில் நடப்பது போன்று எடுக்கப்பட்டு வந்த படத்திற்காக நீளமான முடி, தாடியுடன் புது கெட்டப்புக்கு மாறினார் தனுஷ்.அத்தோடு அந்த படத்தில் தனுஷுக்கு ஜோடியாக ப்ரியங்கா அருள்மோகன் நடித்து வந்தார். இந்நிலையில் தான் அதிர்ச்சி தகவல் வெளியாகியுள்ளது.

பீரியட் படம் என்பதால் செட் போட்டும் படப்பிடிப்பை நடத்தி வந்தார்கள். இந்நிலையில் முக்கியமான காட்சியை படமாக்க செட் போட்டிருக்கிறார்கள். எவ்வளவு முக்கியமான காட்சி, செட் என்ன இப்படி சாதாரணமாக இருக்கிறது. பிரமாண்டமாக இருக்க வேண்டாமா?. அத்தோடு முதலில் ஒழுங்காக செட் போட்டுவிட்டு அப்புறமா என்னை கூப்பிடுங்கள் என்று கூறி தனுஷ் கோபமாக கிளம்பிவிட்டாராம். இதனால் படப்பிடிப்பு நிறுத்தி வைக்கப்பட்டுள்ளதாக தகவல் வெளியாகியிருக்கிறது.

கேப்டன் மில்லர் ஷூட்டிங் நின்றுவிட்டதா என தனுஷ் ரசிகர்கள் அதிர்ச்சி அடைந்துள்ளனர். அதே சமயம் இது வெறும் வதந்தியாக இருக்கக்கூடும் என நம்பப்படுகிறது. செட்டுக்காக கோபித்துக் கொண்டு செல்லும் ஆள் இல்லை தனுஷ். அத்தோடு ஒரு தயாரிப்பாளராகவும் இருந்த அவருக்கு பணத்தின் அருமை தெரியும். அதனால் தயாரிப்பாளருக்கும், இயக்குநருக்கும் பிரச்சனை கொடுக்க மாட்டார் என்கிறார்கள் ரசிகர்கள்.

சினிமா பிரபலங்கள் பற்றி வதந்திகள் பரவுவது அதிகரித்து வருகிறது. அதனால் கேப்டன் மில்லர் தகவலும் வதந்தியாகத் தான் இருக்கும். கேப்டன் மில்லர் படப்பிடிப்பு நிறுத்தப்படவில்லை என அருண் மாதேஸ்வரனே சமூக வலைதளத்தில் தெரிவிப்பார் பாருங்கள் என தனுஷ் ரசிகர்கள் நம்பிக்கையுடன் கூறியுள்ளனர்.

கேப்டன் மில்லர் தவிர்த்து சேகர் கம்முலா இயக்கத்தில் நடிக்கிறார் தனுஷ். அத்தோடு மீண்டும் படம் இயக்க முடிவு செய்திருக்கிறாராம். அந்த படத்தை இயக்குவதுடன் நடிக்கவும் செய்கிறாராம் தனுஷ். அவர் இயக்கும் படத்தில் விஷ்ணு விஷால் நடிக்கிறாராம். சன் பிக்சர்ஸ் நிறுவனம் தயாரிக்கிறது என தகவல் வெளியாகியுள்ளது.

Advertisement

Advertisement

Advertisement