இந்திய திரைப்பட உலகில் பெரும் எதிர்பார்ப்பை ஏற்படுத்தியுள்ள திரைப்படங்களில் ஒன்றாக தற்போது உருவாகியிருப்பது Dhurandhar: The Revenge. நடிகர் ரன்வீர் சிங் நடித்துள்ள இந்த திரைப்படம் வெளியாகும் முன்பே வசூலில் சாதனை படைத்து வருகிறது. சமீபத்தில் வெளியாகிய தகவல்களின் படி, இந்த திரைப்படம் முன்பதிவு மூலமாகவே இந்தியாவில் ரூ.28 கோடிக்கும் மேல் வசூல் செய்துள்ளதாக கூறப்படுகிறது.
திரைப்படம் இன்னும் வெளியாகாத நிலையில் இந்த அளவிற்கு முன்பதிவு வசூல் கிடைத்திருப்பது ரசிகர்களின் மிகப்பெரிய எதிர்பார்ப்பை வெளிப்படுத்துகிறது. குறிப்பாக மார்ச் 19ஆம் தேதி உலகம் முழுவதும் வெளியாகவுள்ள இந்த படத்திற்காக ஏற்கனவே 1 லட்சத்து 50 ஆயிரத்திற்கும் அதிகமான டிக்கெட்டுகள் விற்பனையாகி இருப்பதாக தகவல்கள் தெரிவிக்கின்றன. இதனால் படம் வெளியான பிறகு வசூல் இன்னும் அதிகரிக்கும் என திரையுலக வட்டாரங்கள் கணித்துள்ளன.
இந்த திரைப்படம் கடந்த ஆண்டு வெளியாகி மிகப்பெரிய வெற்றியை பெற்ற Dhurandhar திரைப்படத்தின் தொடர்ச்சியாக உருவாகியுள்ளது. அந்தப் படத்தை ஆதித்யா தார் இயக்கியிருந்தார். அதேபோல் இந்த புதிய தொடரையும் அவர் இயக்கியுள்ளார்.
முதல் பாகமான ‘துரந்தர்’ திரைப்படம் கடந்த டிசம்பர் மாதம் வெளியாகி உலகம் முழுவதும் மிகப்பெரிய வரவேற்பைப் பெற்றது. அதில் ரன்வீர் சிங் முக்கிய கதாபாத்திரத்தில் நடித்திருந்தார். அவருடன் R. மாதவன், அக்ஷே கண்ணா மற்றும் சாரா அர்ஜுன் உள்ளிட்ட பல முன்னணி நடிகர்கள் நடித்திருந்தனர்.
முதல் பாகம் உலகம் முழுவதும் சுமார் ரூ.1350 கோடிக்கும் மேல் வசூல் செய்து மிகப்பெரிய மெகா ஹிட் திரைப்படமாக மாறியது. இதன் வெற்றியை தொடர்ந்து அதன் இரண்டாம் பாகம் உருவாகும் என அறிவிக்கப்பட்டது. அந்த அறிவிப்பு வெளியானது முதல் ரசிகர்கள் இந்த தொடரை ஆவலுடன் எதிர்பார்த்து வந்தனர்.
இந்நிலையில், தற்போது உருவாகியுள்ள Dhurandhar: The Revenge திரைப்படம் முதல் பாகத்தை விட இன்னும் பெரிய அளவில் உருவாக்கப்பட்டுள்ளதாக கூறப்படுகிறது.
.png)
.png)
Listen News!