இந்திய திரையுலகில் கோடிக்கணக்கான ரசிகர்களின் இதயத்துடிப்பாக, உலகம் முழுவதும் தமிழ் சினிமாவின் பெருமையை எடுத்துச் செல்லும் சூப்பர் ஸ்டார் ரஜினிகாந்த் அவர்களுக்கு 56வது கோவா சர்வதேச திரைப்பட விழாவில் வாழ்நாள் சாதனையாளர் விருது வழங்கப்பட்டது.

இந்திய சினிமாவிற்கு அவர் செய்த தவிர்க்க முடியாத பங்களிப்புகளை கௌரவிக்கும் விதமாக வழங்கப்பட்ட இந்த அங்கீகாரம், விழாவின் முக்கியமான தருணமாக அமைந்தது.
விருதை பெற மேடையேறிய ரஜினிகாந்த் அவர்கள், மிக உணர்ச்சிபூர்வமான வார்த்தைகளால் ரசிகர்களின் மனதைத் தொட்டார். இவர் பேசிய உணர்ச்சிகரமான உரை, அங்கு இருந்த அனைவருக்கும் மட்டுமல்லாது உலகம் முழுவதும் இருக்கும் அவரது ரசிகர்கள் அனைவருக்கும் பெரிய பரபரப்பை ஏற்படுத்தியுள்ளது.
விருதைப் பெற்றபின் பேசிய சூப்பர் ஸ்டார் ரஜினிகாந்த், தன்னுடைய ஐம்பது ஆண்டுகள் நீண்ட திரைப்பயணத்தை நினைவு கூர்ந்தார். அந்த தருணத்தில் அவர் கூறிய வார்த்தைகள் பலரையும் கண்கலங்கச் செய்தது.

அதாவது, “நான் கடந்த 50 ஆண்டுகளாக சினிமாவில் இருக்கிறேன். ஆனால் எனது திரைப்பயணத்தை திரும்பிப் பார்த்தால், ஏதோ 10, 15 ஆண்டுகளாக இருப்பது போல தான் உள்ளது. அதற்கு காரணம் எனக்கு சினிமாவின் மீது இருக்கும் ஈர்ப்பு தான். நான் சினிமாவை விரும்புகிறேன், நடிப்பதை விரும்புகிறேன்.100 ஜென்மங்கள் எடுத்தாலும் நடிகராகத் தான் பிறக்க விரும்புகிறேன்…” எனக் கூறியுள்ளார் ரஜினி காந்த்.
இந்த ஒரு வாக்கியம், ரஜினிகாந்தின் தனித்துவத்தை அழகாக வெளிக்கொணர்கிறது. அவர் ஒரு நடிகராக மட்டுமல்ல இந்திய திரைப்பட உலகிலும் உயர்ந்து நிற்கிறார் என்பதும் குறிப்பிடத்தக்கது. இந்த வீடியோ தற்பொழுது வைரலாகி வருகின்றது.
Listen News!