_6961f8c24ecb9.jpg)
தமிழ் திரையுலகில் பொங்கல் சீசன் எப்போதும் பெரும் எதிர்பார்ப்புகளையும், போட்டியையும் உருவாக்கி வருவது வழக்கம். இந்த ஆண்டு, நடிகர் விஜய் நடிப்பில் உருவாகிய ‘ஜனநாயகன்’ மற்றும் சிவகார்த்திகேயன்–ஸ்ரீலீலா முன்னணியில் நடித்த ‘பராசக்தி’ படங்கள் பொதுமக்கள் எதிர்பார்ப்பில் முதலிடத்தில் நின்றன. இதில், இரண்டு படங்களுக்கும் ரசிகர்கள் மட்டுமல்லாமல் திரையுலகின் பல பிரபலங்களும் அதிக ஆர்வம் காட்டியுள்ளனர்.
இரண்டு படமும் பொங்கல் விடுமுறைக்கு வெளியிடப்படுவதற்காக திட்டமிடப்பட்ட நிலையில், ‘பராசக்தி’ திரைப்படம் யு/ஏ சான்றிதழ் பெற்று, திரைப்படத்தின் சில காட்சிகள் மற்றும் வசனங்களை மியூட் செய்து, வெற்றிகரமாக ரிலீஸ் செய்யப்பட்டது.
இதனால் படம் முதல் நாளிலேயே திரையரங்குகளில் ரசிகர்களின் கவனத்தைப் பெற்றது. விசில் மற்றும் கைதட்டல்கள் மூலம் திரையரங்குகளில் பொங்கல் திருவிழா போலவே அனுபவிக்கப்பட்டது.
இதற்கு மாறாக, ‘ஜனநாயகன்’ திரைப்படம் இன்னும் தணிக்கை சான்றிதழ் (CBFC) பிரச்சினைகள் காரணமாக வெளியிடப்படவில்லை. இதற்கான மேல்முறையீட்டு வழக்கு நீதிமன்றத்தில் தொடர்ந்து வருகின்றது. கடந்த விசாரணையில், நீதிமன்றம் வழக்கை வருகிற 21-ம் தேதிக்கு தள்ளிவைத்துள்ளது. இந்த காரணத்தால் விஜய் ரசிகர்கள் எதிர்பார்த்த ‘ஜனநாயகன்’ படத்தின் ரிலீஸ் சந்தேகத்தில் உள்ளது.
இந்த நிலையை கருத்தில் கொண்டு, இயக்குநர் மாரி செல்வராஜ், சமூக வலைத்தளங்களில் தனது கருத்தை வெளிப்படுத்தி, இந்த பிரச்சனை குறித்து பரபரப்பான விமர்சனத்தை பதிவு செய்துள்ளார்.
அவர் குறிப்பிட்டதாவது, “ஜனநாயகன் படத்தின் மீது தணிக்கைத் துறை நிகழ்த்தியிருப்பது அப்பட்டமான அநீதி தான். ஒரு படைப்பாளி என்கிற முறையில் இந்த அநீதியை எதிர்ப்பதன் மூலம் நம் ஜனநாயகத்தின் மீதும் நம் படைப்பு சுதந்திரத்தின் மீதும் வேகமாக படரும் பேரச்சத்தை துடைத்தெறிய பெருங்குரல் எழுப்புவோம்.” என்றார்.
இயக்குநர் மாரி செல்வராஜ் எழுப்பிய இந்த கருத்து, தமிழ் சினிமா மற்றும் படைப்பாளிகளிடையே பெரும் பரபரப்பையும், ஆதரவையும் பெற்றுள்ளது.
_6966056a8cd2c.jpeg)
_6965e301d8007.webp)
_6964b49dd6985.webp)
.png)
.png)
Listen News!