நடிகை காஜல் அகர்வால் இயக்குநராக வருகிறாரா? ரசிகர்களுக்கு எதிர்பாராமல் கிடைத்த சப்பிறைஸ்!

தென்னிந்திய சினிமாவின் அழகிய நட்சத்திரங்களில் குறிப்பிடத்தக்க இடம் பெற்றவர் காஜல் அகர்வால். 2007ம் ஆண்டு தமிழில் ‘பழனி’ திரைப்படத்தின் மூலம் அறிமுகமான இவர், பின்னர் விஜய், அஜித், சூர்யா, கார்த்தி போன்ற முன்னணி ஹீரோக்களுடன் இணைந்து பல வெற்றிப் படங்களில் நடித்திருக்கிறார். தனது நடிப்பு, அழகு என்பன மூலம் தமிழ் ரசிகர்களின் மனதில் தனிப்பட்ட இடத்தை பிடித்தவர் காஜல்.

காஜல் அகர்வால் தமிழில் மட்டுமல்லாமல் தெலுங்கிலும் பல சூப்பர் ஹிட் படங்களில் நடித்துள்ளார். அத்தகைய நடிகை 2020ம் ஆண்டு, திரைப்பயணத்தில் இருந்து ஓரமாகி, தொழிலதிபர் கவுதம் கிச்லுவை காதலித்து திருமணம் செய்துகொண்டார்.

இவர்களின் திருமணம் ரசிகர்களிடையே பெரும் வரவேற்பை பெற்றது. அதனைத் தொடர்ந்து 2022-ல் இவர்கள் பெற்றோர்களாக ஆனார்கள். தங்கள் மகனின் புகைப்படங்களை தற்காலிகமாக சமூக ஊடகங்களில் பகிர்ந்தாலும், அவரின் தனியுரிமையை மதித்து, பெரும்பாலும் தனிப்பட்ட வாழ்க்கையை முற்றிலும் வெளிக்கொணராமல் பாதுகாத்து வருகின்றனர்.

தாயான பின், சினிமாவில் இருந்து முற்றிலும் விலகாமல், தேர்ந்தெடுக்கப்பட்ட படங்களில் மட்டுமே நடித்தார். ‘இந்தியன் 2’ திரைப்படத்தில் கமல்ஹாசனுடன் இணைந்து நடித்திருந்தார். இதற்குப் பிறகு, ‘கண்ணப்பா’ என்ற பன்னாட்டுத் தயாரிப்பான தெலுங்குப் படத்திலும் நடித்து வருகின்றார்.

சமீபத்தில் திரையுலகத்தில் பரவும் தகவல்களின்படி, காஜல் அகர்வால் தன் புதிய அவதாரத்திற்கு தயாராகி வருகிறார். நடிப்பைத் தாண்டி, இயக்குநராக வர இருக்கிறார் என தகவல்கள் தெரிவிக்கின்றன. இது குறித்து காஜல் எந்தவிதமான அதிகாரபூர்வ அறிவிப்பும் வழங்கவில்லை என்றாலும், இந்த செய்தி இணையதளங்களில் மற்றும் சமூக ஊடகங்களில் வைரலாகி வருகின்றது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை