அரசியலில் மாஸ் காட்டும் விஜய்.! வாழ்த்துக்களை குவிக்கும் பிரபலங்கள்..

தமிழகம் முழுவதும் தற்போது கொண்டாட்டக் களமாக மாறியுள்ளது. சட்டமன்றத் தேர்தலுக்கான வாக்கு எண்ணிக்கை காலை முதல் விறுவிறுப்பாக நடைபெற்று வரும் நிலையில், நடிகர் விஜய் தலைமையிலான தமிழக வெற்றிக் கழகம் அதிக தொகுதிகளில் முன்னிலை வகித்து வருகிறது.

இந்த முன்னிலை, அவரது ரசிகர்கள் மட்டுமின்றி பொதுமக்கள் மற்றும் பல பிரபலங்களிடமும் பெரும் உற்சாகத்தை ஏற்படுத்தியுள்ளது.

காலை முதலே சமூக வலைத்தளங்கள் முழுவதும் விஜய்க்கு ஆதரவான பதிவுகள் குவிந்து வருகின்றன. பல திரையுலக மற்றும் பிற துறைகளில் உள்ள பிரபலங்கள், தங்களது வாழ்த்துகளையும் ஆதரவு கருத்துகளையும் பகிர்ந்து வருகின்றனர். “இது ஒரு புதிய தொடக்கம்”, “மக்களின் நம்பிக்கைக்கு உரிய பதில் கிடைக்கிறது” போன்ற கருத்துகள் அதிகமாக பகிரப்பட்டு வருகின்றன.

சிலர் விஜய்யின் அரசியல் பயணம் வெற்றி பெற வேண்டும் என்று வாழ்த்தியுள்ளதுடன், அவரின் தலைமைத்திறனை பாராட்டியும் பதிவுகள் வெளியிட்டு வருகின்றனர். ரசிகர்களும் மீம்ஸ்கள், வீடியோக்கள், புகைப்படங்கள் மூலம் இந்த மகிழ்ச்சியை வெளிப்படுத்தி வருகின்றனர்.

எனினும், இறுதி தேர்தல் முடிவுகள் வெளியாகும் வரை அதிகாரபூர்வ அறிவிப்புகளையே நம்ப வேண்டும் என்பதும் குறிப்பிடத்தக்கது.