திருமாவளவனை நேரடியாக தாக்கும் படத்தில் சசிகுமார்? சர்ச்சைக்குரிய வசனங்களால் பரபரப்பு..!

சசிகுமார் நடித்த படம் ஒன்றில் சர்ச்சைக்குரிய காட்சிகள் இருப்பதாக விடுதலை சிறுத்தைகள் கட்சியின் பிரமுகர்கள் கூறியதை அடுத்து அந்த படத்தை அவர்கள் பார்த்ததாகவும் சில வசனங்களை நீக்க சொன்னதாகவும் சில மாற்றங்கள் செய்ய சொன்னதாகவும் தகவல் வெளியாகி உள்ளது.

தமிழ் திரை உலகின் நடிகர் மற்றும் இயக்குனர் சசிகுமார் நடிப்பில் உருவாகி வரும் திரைப்படம் ’நந்தன்’. இந்த படத்தின் படப்பிடிப்பு முடிவடைந்து வரும் மார்ச் மாதம் திரைக்கு வர இருக்கும் நிலையில் இந்த படத்தில் விடுதலை சிறுத்தைகள் கட்சிக்கு எதிரான சில கருத்துக்கள் இருப்பதாக சமூக வலைதளங்களில் செய்திகள் பரவியது.

இதனை அடுத்து திருமாவளவன் தரப்பினர் ’நந்தன்’ படக்குழுவினரை அணுகி அந்த படத்தை நாங்கள் பார்க்க வேண்டும் என்று கூறியதாகவும் இதனை அடுத்து ’நந்தன்’ படத்தை அவர்களுக்கு திரையிட்டு காட்டியதாகவும் கூறப்படுகிறது.

’நந்தன்’ படத்தை பார்த்த விடுதலை சிறுத்தைகளின் பிரமுகர்கள், அந்த படத்தில் சில நெருடலாக இருந்த வசனங்களை மாற்ற கோரிக்கை விடுத்ததாகவும், குறிப்பாக திருமாவளவனை நேரடியாக தாக்கும் வசனங்கள் அமைந்திருந்ததால் அந்த வசனங்களை மாற்ற வேண்டும் அல்லது நீக்க வேண்டும் என்று வலியுறுத்தியதாகவும் அதற்கு நந்தன் பட குழுவினர் ஒப்புக்கொண்டதாகவும் கூறப்படுகிறது.

இதனை அடுத்து ’நந்தன்’ திரைப்படம் திட்டமிட்டபடி மார்ச் மாதம் வெளியாகும் என்று உறுதி செய்யப்பட்டுள்ளது.