தமிழ் சினிமாவில் எப்போதும் புதிய முயற்சிகளுக்கும் திறமையான கலைஞர்களுக்கும் மத்தியில் ஒரு தனி இடம் வகித்து வரும் நடிகர் விஷ்ணு விஷால், தனது தயாரிப்பு நிறுவனத்தின் மூலம் உருவாக்கியுள்ள புதிய திரைப்படம் "Oh Ho Endhan Baby" வெளியாக தயாராகியுள்ளது. இத்திரைப்படம், வரும் ஜூலை 11-ம் தேதி திரையரங்குகளில் பிரம்மாண்டமாக வெளியாகும் என்று அதிகாரபூர்வமாக அறிவிக்கப்பட்டுள்ளது.
இந்த திரைப்படம், இளைய தலைமுறையையும், காதலிலும் உறவுகளிலும் திளைக்கும் உணர்வுகளை கொண்டுள்ள வகையில் உருவாக்கப்பட்டுள்ளது. இளமை, காதல், குடும்பம், தத்தெடுக்கும் உறவுகள் மற்றும் தனித்துவமான மனித உறவுகள் போன்ற கருவிகளை மையமாகக் கொண்டு, திரைப்படம் ஒரு உணர்வுப்பூர்வமான பயணமாக அமைந்திருக்கிறது.
இந்த திரைப்படத்தில், முன்னணி கதாபாத்திரங்களில் புதிய நடிகர்கள் அறிமுகமாகிறார்கள். இவர்கள் நடிப்பும், அவர்களின் இயல்பான வெளிப்பாடும், கதைக்கு உயிரூட்டுவதாக இருப்பதாக, முன்னே வெளியான டிரைலர் மற்றும் ப்ரோமோக்களில் கண்ட ரசிகர்கள் கூறுகிறார்கள். இது ஒரு வித்தியாசமான சினிமா அனுபவமாக அமைவதற்கான அறிகுறியாகவே பார்க்கப்படுகிறது.
இது மட்டுமல்லாமல், “Oh Ho Endhan Baby” திரைப்படம், சகோதர உறவுகள் மற்றும் தத்தெடுக்கப்பட்ட பிள்ளைகளின் வாழ்க்கை அனுபவங்கள் போன்ற நுணுக்கமான உணர்வுகளை விவரிக்கிறது. இது தற்போது சமூகத்தில் முக்கியத்துவம் பெற்றுள்ள ஒரு விவகாரம் என்பதால், ரசிகர்களிடையே இது ஒரு உணர்வுப்பூர்வமான தொடர்பை ஏற்படுத்தும் என்று எதிர்பார்க்கப்படுகிறது.
தனது தயாரிப்பாகும் இந்த திரைப்படம் குறித்து விஷ்ணு விஷால் பெரும் நம்பிக்கையுடன் இருக்கிறார். “இந்த படம் வெற்றி பெற்றால், இது ஒரு புதிய திறமையை வளர்க்கும் வெகு சிறந்த வழியாக அமையும். இதை நீயும், நானும், இந்த அரங்கம் Tamil Cinema Industry இணைந்து சாத்தியமாக்கலாம்” என்று அவர் கூறியுள்ளார். அதாவது, இளம் கலைஞர்கள், இயக்குநர்கள், எழுத்தாளர்கள் போன்றோருக்கு, தமிழ் சினிமாவில் இடம் தரும் ஒரு மாற்றுவழியாக “Oh Ho Endhan Baby” அமையக்கூடிய சாத்தியம் அதிகம் உள்ளது. விஷ்ணு விஷால் தனது தயாரிப்பு நிறுவனத்தின் வாயிலாக புதிய முகங்களை ஆதரிக்க, அவர்களுக்குத் தளங்களை உருவாக்கும் நோக்கத்துடன் செயல்படுகிறார்.
தனது தயாரிப்பு நிறுவனம் விரைவில் படப்பிடிப்பைத் தொடங்கவுள்ள இரண்டு முக்கியமான திரைப்படங்களையும் விஷ்ணு விஷால் சமீபத்தில் அறிவித்துள்ளார். அதில் Katta Kushti 2 – வெற்றிகரமாக ஓடிய முதல் பாகத்திற்கு பிந்தைய தொடர்ச்சி. ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது. இதில், நகைச்சுவை, விளையாட்டு, காதல் மற்றும் குடும்பம் ஆகியவை இணைந்த மசாலா படமாக இருக்கும் என்று தகவல்கள் வெளியாகியுள்ளன. மேலும் Ratsasan 2 தமிழ் திரை உலகில் கலக்கத்தை ஏற்படுத்திய சைக்கலாஜிக்கல் த்ரில்லர் "Ratsasan" க்கு இது தொடர்ச்சி. இப்படத்தின் படப்பிடிப்பு 2026 ஆம் ஆண்டில் தொடங்கும் என அதிகாரப்பூர்வமாக உறுதி செய்யப்பட்டுள்ளது. முதல் பாகம் ரசிகர்களிடையே பெரும் தாக்கத்தை ஏற்படுத்தியதால், இரண்டாம் பாகம் மீதான எதிர்பார்ப்பு மிகுந்தது. இத் தகவல் அறிந்த ரசிகர்கள் மிகுந்த எதிர்பார்ப்புடன் காத்து கொண்டிருக்கின்றார்கள் என்று தான் கூற முடியும் . மேலும் ரசிகர்கள் தங்கள் கருத்துக்களை தமது சமூக வலைத்தளத்தில் பதிவிட்டு வருகின்றனர் .
_686b91a1b2b62.jpeg)
_686b625d889ae.jpg)
_686b414a6c572.jpg)
.png)
.png)
Listen News!