தமிழ் திரையுலகில் தனித்துவமான குரல், சமூகச் சிந்தனை மற்றும் வித்தியாசமான கருத்துகளை முன்வைக்கும் இயக்குநர்களில் ஒருவர் மாரி செல்வராஜ். அவரது படைப்புகள், சமூக, அரசியல் மற்றும் மனிதநேயம் சார்ந்த பல்வேறு பரிமாணங்களை எடுத்துரைக்கும் வகையில் உருவாகியுள்ளன.
சமீபத்தில், மாரி செல்வராஜ், தன் பார்வையை வெளிப்படுத்திய ஒரு பேட்டியில் சாதி மற்றும் சமூக நிலைமைகள் பற்றிய ஆழமான கருத்துகளை பகிர்ந்துள்ளார். இது தற்போது சமூக வலைத்தளங்களில் பரவுவதோடு, திரை உலகிலும் பரபரப்பை ஏற்படுத்தியுள்ளது.
பேட்டியின் போது அவர், “என்னைப் பற்றி முழுமையாக நீங்கள் தெரிந்து கொண்ட பின்பு என்னை பின்பற்றிக் கொள்ளுங்கள். ஒரே சாதி என்பதன் மூலம் என்னை எடுத்துக் கொள்ளாதீர்கள். அப்படி எடுத்துக் கொண்டால் அது எனக்கு மிகப்பெரிய அசிங்கம், அருவருப்பு..”என்றார்.
மேலும், “எனக்கு எதை பார்த்தும், யாரை கண்டும் பயம் கிடையாது. யார் என்ன சொன்னாலும் சாதியின் பக்கம் ஒருநாளும் நிற்க மாட்டேன். ஒருவேளை நாளை நான் அரசியலுக்கு வந்தாலும், இயக்கம் தொடங்கினாலும் சாதி சமூகத்திற்கு எதிராக தான் நான் செயல்படுவேன்.” எனவும் தெரிவித்திருந்தார் மாரி செல்வராஜ்.
இது, சமூகநீதி, சமத்துவம் மற்றும் மனிதநேயம் தொடர்பான அவரது உறுதியான நிலையை வெளிப்படுத்துகிறது. திரையுலகில் பல இயக்குநர்கள் கருத்துகளைத் தெரிவிப்பது சாதாரணம். ஆனால், மாரி செல்வராஜ் போல சமூக சர்ச்சைகளை நேரடியாக எதிர்கொண்டு, சாதி அடிப்படையிலான பாகுபாடுகளை எதிர்த்து கருத்து தெரிவிப்பது அரிது.
மாரி செல்வராஜ் இயக்கும் படைப்புகள், சாதி, வர்க்கம் மற்றும் சமூக அமைப்புகளின் ஒழுங்குகள் போன்ற முக்கியமான சமூக பிரச்சினைகளை முன்வைக்கும் வகையில் பிரபலமானவை. அவரது படங்களில், சமூகச் சிந்தனை மற்றும் அரசியல் கருத்துகள் நுட்பமாக ஒருங்கிணைக்கப்படுகின்றன என்பதும் குறிப்பிடத்தக்கது.
.png)
.png)
Listen News!