“இதில் கோட்டை விட்டுட்டேன்…” : சமந்தாவின் மாஜி கணவர் வருத்தம்

விக்ரம் குமார் இயக்கத்தில் நாக சைதன்யா, ராஷி கன்னா உள்ளிட்டோர் நடித்த தேங்க் யூ படம் ஜூலை 22ம் தேதி திரையரங்குகளில் வெளியானது. படம் வெளியான மறுநாளே தியேட்டர்கள் காத்து வாங்கத் துவங்கிவிட்டது.

மேலும் இந்த ஆண்டின் மிகப் பெரிய தோல்விப் படம் தேங்க் யூ என்று ஆந்திர பாக்ஸ் ஆபீஸ் சமூக வலைதளத்தில் தெரிவித்தது. இந்நிலையில் படத்தின் தோல்வி குறித்து நாக சைதன்யா பேட்டி ஒன்றில் தெரிவித்திருப்பதாவது….

ஒவ்வொரு படம் மூலமும் நமக்கு சில விஷயம் கிடைக்கிறது, சில விஷயத்தை இழக்கிறோம். மக்களுக்கு பிடித்தபடி கதையை கொடுக்கத் தான் முயற்சி செய்கிறோம்.

சில சமயங்களில் கதை விஷயத்தில் தப்புக் கணக்கு போட்டுவிடுகிறோம். பரவாயில்லை. அதில் இருந்து கூட கற்றுக் கொள்கிறோம். எங்கு கோட்டை விட்டோம், எங்கு சிறப்பாக செய்திருக்கலாம் என்பதை கண்டுபிடிக்க முயற்சி செய்கிறேன்.

மேலும் ஒரு நடிகராக அப்படித் தான் நாம் வளர்கிறோம். வெற்றி நமக்கு நிறைய கற்றுக் கொடுக்கிறது. தோல்விகள் அதை விட நிறைய கற்றுக் கொடுக்கின்றன என்று தெரிவித்தார்.

பெரும் எதிர்பார்ப்புடன் வெளியான தேங்க் யூ படம் இந்த அளவுக்கு படுதோல்வி அடையும் என்று யாரும் எதிர்பார்க்கவில்லை. தேங்க் யூ படத்தை தில் ராஜு தயாரித்திருந்தார்.

பிற செய்திகள்

சமூக ஊடகங்களில்: