Listen News! | Listen நடிக்க பயந்த அஜித். ரகசியத்தை உடைத்த பிரபல இயக்குநர். அஜித் ரசிகர்களின் மிக நீண்ட எதிர்பார்ப்பிற்கு மத்தியில் வெளியான 'வலிமை' படம் எதிர்பார்த்த வெற்றியை பெறவில்லை. மேலும் இதனை தொடர்ந்து மூன்றாவது முறையாக எச்.வினோத் இயக்கத்தில் அஜித் நடிக்கும் படத்திற்கு நம்பிக்கையுடன் காத்திருக்கின்றனர் ரசிகர்கள். அஜித், வினோத், போனி கபூர் கூட்டணியில் கடந்த 2019 ஆம் ஆண்டு வெளியான நேர்கொண்ட பார்வை படம் மாபெரும் வெற்றியை பெற்றது. மேலும் இதனை தொடர்ந்து இரண்டாவது முறையாக கிட்டத்தட்ட மூன்றாண்டுகள் கழித்து அதே கூட்டணியில் கடந்த பிப்ரவரி மாதம் 'வலிமை' படம் வெளியானது. இந்தப்படம் வசூலில் சக்கை போடு போட்டாலும், ரசிகர்களின் எதிர்பார்ப்பினை முழுவதுமாக பூர்த்தி செய்யவில்லை என்று தான் கூற வேண்டும்.மேலும் இந்தப்படத்தில் அஜித்தின் லுக் மிக மோசமாக விமர்சிக்கப்பட்டது. வலிமையை தொடர்ந்து ‘ஏகே 61’ படத்தில் மூன்றாவது முறையாக வினோத், போனி கபூர், அஜித் மூவரும் இணைய உள்ளனர். இதன் படப்பிடிப்பு தற்போது ஹைத்ராபாத்தில் விறுவிறுப்பாக நடைபெற்று வருகிறது. அத்தோடு இந்தப்படத்தை தொடர்ந்து லைகா நிறுவனம் தயாரிக்கவுள்ள அஜித்தின் ‘ஏகே 62’ படத்தை விக்னேஷ் சிவன் இயக்கவுள்ளார். அனிருத் இசையமைக்கவுள்ளார். இந்த வருட இறுதியில் இந்தப்படத்தின் படப்பிடிப்பு துவங்கும் என தெரிவித்துள்ளனர். இந்நிலையில் அஜித் குறித்து தனியார் யூடிப் சேனல் ஒன்றுக்கு அளித்த பேட்டியில் பேசிய கே.எஸ். ரவிக்குமார் 'வரலாறு' படத்தில் அஜித் நடிக்க தயங்கியதாக தெரிவித்துள்ளார். மேலும் கே.எஸ். ரவிக்குமார் இயக்கத்தில் 2006ஆம் ஆண்டு வெளியான இந்தப் படத்தில் அஜித் மூன்று வேடங்களில் நடித்திருந்தார். காட்பாதர் என தலைப்பிடப்பட்டு அதன்பிறகு 'வரலாறு' என பெயர் மாற்றப்பட்ட இந்தப்படம் பாக்ஸ் ஆபிசில் மிகப்பெரிய வசூல் சாதனை படைத்தது. இந்நிலையில் 'வரலாறு' படத்தில் பெண்மை போல நளினம் கொண்ட பரதநாட்டிய கலைஞராக நடிப்பதால் தன்னை எல்லாரும் கிண்டல் பண்ணுவாங்களா என ரொம்ப ஃபீல் பண்ணி தன்னிடம் கேட்டதாகவும், அதற்கு அப்படியெல்லாம் எதுவும் ஆகாது. மேலும் இந்த ரோல் உங்க ரசிகர்களுக்கு ரொம்பவே பிடிக்கும் என கூறியதாகவும், அதேபோல இந்த கதாபாத்திரத்தை ரசிகர்கள் கொண்டாடியதாகவும் கேஎஸ் ரவிக்குமார் தெரிவித்துள்ளார். | Pause | Play