முக்கிய நடிகர்கள் நடிக்கும் “ராக்கெட்டரி” உரிமையை கைப்பற்றிய பிரபல நிறுவனம்

தமிழ் சினிமாவில் தனது நடிப்பின் மூலம் முன்னணி நடிகராக திகழ்பவர் தான் நடிகர் மாதவன்.ஆரம்பத்தில் காதல் படங்களில் நடித்து வந்தாலும் தற்பொழுது கதாப்பாத்திரங்களுக்கு முக்கியமுள்ள திரைப்படங்களில் நடித்து வருகின்றார்.

இவ்வாறுஇருக்கையில் மாதவன் முதல்முறையாக இயக்கி நடித்துள்ள திரைப்படம் ‘ராக்கெட்டரி’.தமிழ், ஹிந்தி, ஆங்கிலம் ஆகிய 3 மொழிகளில் உருவாகியுள்ள இந்த படம் விரைவில் வெளியாகவுள்ளது.

மேலும் இந்தப் படத்தில் சிம்ரன் மற்றும் ரவி ராகவேந்திரா ஆகியோர் முக்கியக் கதாபாத்திரத்தில் நடித்துள்ளனர். சூர்யா இந்தப் படத்தில் சிறப்புத் தோற்றத்தில் நடித்துள்ளார்.

சாம் சி.எஸ் இப்படத்திற்கு இசையமைத்துள்ளார். சமீபத்தில் இந்த படத்தின் டிரெய்லர் வெளியாகி படத்தின் மீதான எதிர்பார்ப்பை ஏற்படுத்தியுள்ளது. 1990-களில் இந்திய ராக்கெட் தொழில்நுட்பத்தை விற்றதாக பிரபல விஞ்ஞானியான நம்பி நாராயணன் மீது குற்றச்சாட்டப்பட்டு பின்னர் அவர் விடுவிக்கப்பட்டார்.

எனினும் தற்போது இவரின் வாழ்க்கை வரலாறுதான் ராக்கெட்டரி திரைப்படமாக உருவாகியுள்ளது.இந்தியாவில் இந்த படத்திற்கு பெரிய எதிர்பார்ப்பு ஏற்பட்டுள்ளது. ஏனென்றால் பெரிய பரபரப்பை ஏற்படுத்திய இந்த விவகாரத்தில் உண்மை என்ன என்பதை இந்த படத்தில் விளக்கமாக கூறப்பட்டுள்ளது.

இந்நிலையில் இப்படத்தின் தமிழக விநியோக உரிமையை உதயநிதியின் ரெட் ஜெயண்ட் நிறுவனம் கைப்பற்றியுள்ளது. அதனால் இந்த படம் அதிக திரையரங்குகளில் வெளியாகுமென தெரிகிறது.