தமிழ் சினிமாவில் இந்த ஆண்டின் மிகப்பெரிய வெற்றிப்படங்களில் ஒன்றாக உருவெடுத்துள்ள ‘கருப்பு’, தற்போது வசூல் மட்டுமல்லாமல் ரசிகர்களின் பேச்சிலும் தொடர்ந்து ஆதிக்கம் செலுத்தி வருகிறது.
நடிகர் சூர்யாவின் திரைப்பயணத்தில் முக்கிய மைல்கல்லாக மாறியுள்ள இந்த திரைப்படம், வெளியான பல வாரங்களுக்குப் பிறகும் திரையரங்குகளில் வெற்றிகரமாக ஓடிக்கொண்டிருப்பது குறிப்பிடத்தக்கதாக பார்க்கப்படுகிறது.
இயக்குநர் ஆர்.ஜே. பாலாஜி இயக்கத்தில் உருவான இந்த திரைப்படம், கடந்த மாதம் 15-ஆம் தேதி உலகம் முழுவதும் திரையரங்குகளில் வெளியானது. வெளியீட்டுக்கு முன்பே ரசிகர்களிடையே மிகுந்த எதிர்பார்ப்பை ஏற்படுத்தியிருந்த ‘கருப்பு’, வெளியான முதல் நாளிலிருந்தே நேர்மறையான வரவேற்பைப் பெற்று வசூல் வேட்டையை தொடங்கியது.
இந்த படத்தில் சூர்யாவுக்கு ஜோடியாக திரிஷா நடித்துள்ளார். மேலும் சுவாசிகா, இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மாயா ரவி மற்றும் நட்டி நட்ராஜ் உள்ளிட்ட பலர் முக்கிய கதாபாத்திரங்களில் நடித்துள்ளனர். இசையமைப்பாளர் சாய் அபயங்கரின் இசையும் படத்தின் வெற்றிக்கு முக்கிய காரணங்களில் ஒன்றாக பேசப்பட்டு வருகிறது.
கோடை விடுமுறை காலத்தை சரியாக பயன்படுத்திக் கொண்ட இந்த திரைப்படம், குடும்ப ரசிகர்கள் முதல் இளைஞர்கள் வரை அனைத்து தரப்பினரையும் திரையரங்குகளுக்கு ஈர்த்துள்ளது. பல புதிய படங்கள் வெளியான பின்னரும் ‘கருப்பு’ திரைப்படத்திற்கான வரவேற்பு குறையாமல் இருப்பது திரையுலக வட்டாரங்களை ஆச்சரியப்படுத்தியுள்ளது.
பாக்ஸ் ஆபிஸ் வட்டாரங்களில் வெளியாகியுள்ள தகவல்களின் அடிப்படையில், ‘கருப்பு’ திரைப்படம் உலகளவில் ரூ.300 கோடிக்கும் அதிகமான வசூலை கடந்துள்ளதாக கூறப்படுகிறது. இதன் மூலம் சூர்யாவின் அதிக வசூல் ஈட்டிய திரைப்படங்களின் பட்டியலில் இந்த படம் முக்கிய இடத்தை பிடித்துள்ளது.
மேலும், தற்போதைய வசூல் வேகம் தொடருமானால் ரூ.500 கோடி கிளப்பிலும் படம் இணையும் வாய்ப்பு இருப்பதாக திரையுலக நிபுணர்கள் கணித்து வருகின்றனர்.
இதற்கிடையில், திரையரங்குகளில் வெற்றிகரமாக ஓடிக்கொண்டிருக்கும் ‘கருப்பு’ திரைப்படத்தின் ஓடிடி வெளியீடு குறித்த தகவலும் ரசிகர்களிடையே பெரும் உற்சாகத்தை ஏற்படுத்தியுள்ளது.
அதன்படி , இந்த திரைப்படத்தின் டிஜிட்டல் உரிமையை அமேசான் பிரைம் வீடியோ கைப்பற்றியுள்ளதாகவும், விரைவில் அந்த தளத்தில் படம் வெளியாக உள்ளதாகவும் கூறப்படுகிறது.
அதிகாரப்பூர்வ வெளியீட்டு தேதி இன்னும் அறிவிக்கப்படாத நிலையில், திரையரங்குகளில் படத்தை பார்க்க முடியாத ரசிகர்கள் ஓடிடி அறிவிப்புக்காக காத்திருக்கின்றனர். அதே சமயம், திரையரங்குகளில் படம் இன்னும் நல்ல வரவேற்பைப் பெற்று வருவதால், ஓடிடி வெளியீட்டு தேதி குறித்து தயாரிப்பு தரப்பு சரியான நேரத்தை தேர்வு செய்யும் என எதிர்பார்க்கப்படுகிறது.
.png)
.png)
Listen News!