உலகநாயகன் கமல்ஹாசன் நடிக்கும் ‘இந்தியன் 2’ படப்பிடிப்பில் இருந்த இயக்குநர் ஷங்கர், ஷெட்யூலை முடித்துவிட்டு, தற்போது தனது அடுத்த படத்தின் படப்பிடிப்புக்கு மாறியுள்ளதாக தெரிகிறது. RC15 படத்தின் அடுத்தகட்ட படப்பிடிப்பு ஹைதராபாத்தில் உள்ள சார்மினாரில் ஆரம்பித்துள்ளதாக இயக்குநர் ஷங்கர் தனது டிவிட்டர் பக்கத்தில் குறிப்பிட்டுள்ளார்.
அதாவது,அவரது பதிவில், சார்மினார் முன் எடுத்துக்கொண்ட, தனது புகைப்படத்தைப் பகிர்ந்த இயக்குநர் ஷங்கர், “RC15-ன் அடுத்த அட்டவணையை சின்னமான சார்மினாரில் தொடங்குகிறோம்” என்று குறிப்பிட்டு இருக்கிறார்.
ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு மற்றும் ஷிரிஷ் இணைந்து தயாரித்துள்ள இப்படம் தமிழ், தெலுங்கு, ஹிந்தி ஆகிய மொழிகளில் வெளியாகவுள்ளது. ஆக்ஷன் என்டர்டெய்னரான இப்படத்தில் ராம் சரண், காவல்துறை அதிகாரியாக இருந்து அரசியல்வாதியாக நடிக்கிறார்.
இந்த படத்தில் ராம் சரண் தவிர, அஞ்சலி மற்றும் எஸ்.ஜே.சூர்யா ஒரு முக்கிய பாத்திரத்தில் நடிக்க உள்ளனர், சுனில், ஸ்ரீகாந்த், ஜெயராம் மற்றும் நவீன் சந்திரா ஆகியோரும் நடித்துள்ளனர். இப்படத்தின் பாடல்களுக்கு பிரபல இசையமைப்பாளர் தமன் இசையமைக்கிறார் என்பது குறிப்பிடத்தக்கது.
Commencing the next schedule of #RC15 at the iconic Charminar pic.twitter.com/uubP5P0aV1
_63e52fa57ac7a.jpg)
.png)
.png)
Listen News!