விஜய் தேவரகொண்டா நடிக்கும் ‘லைகர்’-டிரைலர் ரிலீஸ் தேதி அறிவிப்பு..!

தெலுங்கு திரையுலகில் முன்னணி நடிகராக இருப்பவர் நடிகர் விஜய் தேவரகொண்டா.

விஜய் தேவரகொண்டா- இயக்குனர் பூரி ஜெகன்னாத் – தயாரிப்பாளர் கரண் ஜோஹர் ஆகியோர் கூட்டணியில் உருவாகியுள்ள லைகர் திரைப்படம் ஆகஸ்ட் மாதம் 25 ஆம் தேதி இந்தியா முழுவதும் வெளியாக உள்ளது.

இந்த படத்தில் அமெரிக்க குத்துச் சண்டை வீரர் மைக் டைசன் ஒரு முக்கியமானக் கதாபாத்திரத்தில் நடித்திருக்கிறார் என்பது குறிப்பிடத்தக்கது. இது இந்த படத்தின் மீது கூடுதல் கவனத்தை ஈர்த்துள்ளது.

மேலும் சமீபத்தில் மைக் டைசனின் பிறந்தநாளை முன்னிட்டு அவருக்கு லைகர் படக்குழுவினர் பிறந்தநாள் வாழ்த்து தெரிவித்து ஸ்பெஷல் வீடியோ ஒன்றினை வெளியிட்டனர். அத்தோடு தற்போது படத்தின் புதிய போஸ்டர் ஒன்று வெளியாகியுள்ளது.

இந்நிலையில் இந்த படத்தின் டிரைலர் வரும் ஜூலை 21 ஆம் தேதி 5 மொழிகளில் வெளியாக உள்ளது. இதற்காக ஐதராபாத் மற்றும் மும்பை அந்தேரி ஆகிய பகுதிகளில் ஒரே நாளில் நடக்கும் இரண்டு நிகழ்வுகளில் படக்குழுவினர் கலந்துகொள்ள உள்ளனர்.