தமிழ் சினிமா ரசிகர்களுக்கு 2026 ஆம் ஆண்டு தொடக்கம் மிகப் பெரிய உற்சாகத்தையும், அதே நேரத்தில் பரபரப்பையும் ஏற்படுத்தும் வகையில் அமைய உள்ளது. காரணம், தமிழ் திரையுலகின் இரண்டு முன்னணி நடிகர்களான விஜய் மற்றும் சிவகார்த்திகேயன் நடித்துள்ள இரண்டு முக்கியமான திரைப்படங்கள், ஒரே காலகட்டத்தில் திரையரங்குகளை ஆக்கிரமிக்கத் தயாராகி வருகின்றன.
நடிகர் விஜய் நடிப்பில் உருவாகியுள்ள ‘ஜனநாயகன்’ திரைப்படம், 2026 ஜனவரி 9ஆம் தேதி திரையரங்குகளில் வெளியாகும் என ஏற்கனவே அதிகாரபூர்வமாக அறிவிக்கப்பட்டிருந்தது. விஜய்யின் அரசியல் பயணம் தொடங்கிய பின்பு வெளியாகும் இறுதி படமாக இது பார்க்கப்படுவதால், ரசிகர்கள் மத்தியில் இந்த படத்திற்கு மிகுந்த எதிர்பார்ப்பு நிலவி வருகிறது.
படத்தின் தலைப்பே சமூக மற்றும் அரசியல் அர்த்தம் கொண்டதாக இருப்பதால், ‘ஜனநாயகன்’ படம், விஜய்யின் திரை வாழ்க்கையில் ஒரு முக்கியமான மைல்கல்லாக அமையும் என எதிர்பார்க்கப்படுகிறது.
அதே நேரத்தில், இயக்குநர் சுதா கொங்கரா இயக்கத்தில், நடிகர் சிவகார்த்திகேயன் நடித்துள்ள ‘பராசக்தி’ திரைப்படமும் 2026 பொங்கலை குறிவைத்து தயாராகி வருகிறது. இந்த படம், சிவகார்த்திகேயனின் 25வது திரைப்படம் என்பதால், ரசிகர்கள் மத்தியில் கூடுதல் கவனத்தை பெற்றுள்ளது.
முன்னதாக, ‘பராசக்தி’ திரைப்படம் 2026 ஜனவரி 14ஆம் தேதி (பொங்கல்) ரிலீஸ் செய்ய திட்டமிடப்பட்டுள்ளதாக தகவல்கள் வெளியாகின. இதன் மூலம், பொங்கல் விடுமுறையை முழுமையாக பயன்படுத்தும் வகையில் படக்குழு திட்டமிட்டுள்ளதாக கூறப்பட்டது.
இதற்கிடையே, சில நாட்களுக்கு முன்பு ‘பராசக்தி’ திரைப்படம் விஜய்யின் ‘ஜனநாயகன்’ படத்திற்கு அடுத்த நாளான ஜனவரி 10ஆம் தேதி திரைக்கு வரும் எனவும் செய்திகள் வெளியாகின. இந்த நிலையில், சமீபத்தில் நடைபெற்ற ஒரு செய்தியாளர் சந்திப்பில், ‘பராசக்தி’ படத்தின் இயக்குநர் சுதா கொங்கரா கலந்து கொண்டு, படத்தின் ரிலீஸ் தேதி குறித்து முக்கியமான அப்டேட்டை வெளியிட்டுள்ளார்.
அவர் பேசும் போது, “பராசக்தி படத்தின் ரிலீஸ் தேதியை தயாரிப்பாளர் விரைவில் அதிகாரபூர்வமாக அறிவிப்பார். ஆனால், படம் 2026 பொங்கலுக்கு வெளியாகும் என்பது உறுதி.”என்று தெரிவித்துள்ளார்.
இந்த அறிவிப்பு, ‘பராசக்தி’ படத்தின் ரிலீஸ் தேதி குறித்து நிலவி வந்த குழப்பங்களுக்கு ஒரு அளவுக்கு முற்றுப்புள்ளி வைத்துள்ளது.
.png)
.png)
Listen News!