ஆர்.ஜே வாக பிரபலமான பாலாஜி அதனை தொடர்ந்து தமிழ் சினிமாவில் நகைச்சுவை நடிகராக காலெடி எடுத்து வைத்தார். அதன்பின்னர் எல்கேஜி படம் மூலமாக கதாநாயகனாகவும் அவதாரம் எடுத்தார். நடிகர், இயக்குநர் என தமிழ் சினிமாவில் பயணித்து வரும் ஆர்.ஜே.பாலாஜி தற்போது பாலிவுட்டில் மிகப்பெரிய ஹிட்டடித்த பதாய் கோ படத்தின் தமிழ் ரீமேக்கில் நடித்து முடித்துள்ளார்.
ஆர்.ஜே., நகைசுவை நடிகர், கதாநாயகன் என தமிழ் சினிமா ரசிகர்களால் அறியப்பட்ட பாலாஜி சென்ற ஆண்டு நயன்தாரா நடிப்பில் வெளியான 'மூக்குத்தி அம்மன்' படத்தின் மூலம் இயக்குநர் அவதாரம் எடுத்தார். ஓடிடியில் ரிலீசான இந்தப்படம் ரசிகர்கள் மத்தியில் அமோக வரவேற்பை பெற்றது. இந்நிலையில் தற்போது 'பதாய் கோ' படத்தின் தமிழ் ரீமேக்கான 'வீட்ல விசேஷம்' இயக்கி நடித்துள்ளார் ஆர்.ஜே. பாலாஜி.
மேலும் இந்தப்படத்தின் ப்ரீ ரிலீஸ் நிகழ்ச்சி தனியார் கல்லூரி ஒன்றில் நடைபெற்றது. இதில், கலந்து கொண்டு பேசிய ஆர்.ஜே. பாலாஜி, நடிகர் ரஜினிகாந்த் நடித்த படங்களில் பெண்களை எந்தளவுக்கு தவறாக சித்தரித்துள்ளனர் என்பதை மேடையில் பேசியுள்ளது சர்ச்சைகளை கிளப்பியுள்ளது. எனினும் இது குறித்து ஆர்.ஜி. பாலாஜி பேசியதாவது, நடிகர் ரஜினிகாந்த் நடித்த மன்னன் மற்றும் படையப்பா உள்ளிட்ட படங்களில் பெண்களை ரொம்பவும் தப்பா காட்டியது தான் பசங்களுக்கும் பெண்களுக்கும் இடையே சமூகத்தில் மிகப்பெரிய வேற்றுமை உருவாகக் காரணம்
படையப்பா படத்தில் வீட்ல வேலை செய்ற பொண்ணு நல்லவ, வெளிநாட்டுல படிச்சிட்டு வர பொண்ணு கெட்டவன்னு காட்டிருப்பாங்க. மன்னன் படத்தில் படிச்சுட்டு கம்பெனி நடத்துற விஜயசாந்தி கெட்டவங்க, காபி போட்டு கொடுக்கிற குஷ்பு நல்லவங்களா காட்டியிருப்பாங்கன்னு என உதாரணம் காட்டி பேசியுள்ளார். அதே நேரத்தில் தயாரிப்பாளர் போனி கபூர் தயாரித்த நேர்கொண்ட பார்வை படத்தை பாராட்டியும் ஆர்ஜே பாலாஜி பேசியுள்ளார்.
ஆணும் பெண்ணும் சமம் என்கிற கருத்தையும் பள்ளி, கல்லூரிகளில் ஆணும் பெண்ணும் பேசிக் கொள்ளக் கூடாதென பிரித்து வைப்பது தவறு என்கிற கருத்தை முன் வைத்து பேசும் போது, படையப்பா மற்றும் மன்னன் படங்களை உதாரணமாகக் கொண்டு ஆர்ஜே பாலாஜி பேசியிருப்பது ரஜினி ரசிகர்கள் மத்தியில் கோபத்தை ஏற்படுத்தியுள்ளது. எனினும் இதனை தொடர்ந்து சமூக வலைத்தளங்களில் ஆர்.ஜே. பாலாஜியை விளாசி வருகின்றனர் ரசிகர்கள்.
.png)
.png)
Listen News!