தமிழ் சினிமா உலகில் ஒரு நடிகராக அடையாளம் காணப்படுவது சுலபமான விஷயம் அல்ல. அது குறிப்பாக, ஒரு நட்சத்திரக் குடும்பத்தில் பிறந்திருந்தாலும் கூட! தோல்விகள், விமர்சனங்கள், ஏமாற்றங்கள் இவை அனைத்தையும் கடந்து தன்னுடைய தனிப்பட்ட பாதையை உருவாக்குவதென்பது எளிதல்ல. இதை உணர்த்தும் வகையில் தான், நடிகர் சாந்தனு பகிர்ந்துள்ள உண்மையான அனுபவம் இன்று சமூக வலைத்தளங்களில் மிகுந்த கவனத்தை பெற்றுள்ளது.
சமீபத்திய பேட்டியில், நடிகர் சாந்தனு மிக உணர்ச்சிபூர்வமாக தனது பயணத்தைப் பகிர்ந்துள்ளார். ரசிகர்களிடம் மிகவும் நேர்மையாகவும், தனிப்பட்டபடியும் அவர் சில கருத்துகளைக் கூறியிருந்தார்.
“என் படங்கள் தொடர்ந்து தோல்வியடைந்த போது தான் மாற்றத்தை தேடினேன். விஜய் சேதுபதி, மணிகண்டன், சிவகார்த்திகேயன் போல படிப்படியாக முன்னேற வேண்டும் என நினைத்தேன். அதனால் தான், 'தங்கம்', 'Bluestar' மற்றும் இப்பொழுது 'பல்டி' மாதிரியான கதாபாத்திர படங்களை தேர்வு செய்தேன்.” என்றார் சாந்தனு.
சாந்தனு, தமிழ் சினிமாவின் பிரபல இயக்குநர் கே. பாக்யராஜின் மகன் என்பதால், ஆரம்பத்தில் அவருக்கு கிடைத்த வாய்ப்புகள் பரபரப்பாக இருந்தாலும், சில படங்கள் எதிர்பார்த்த வரவேற்பை பெறவில்லை. அதன் பின் வந்த அனுபவங்கள் தான் அவரை இத்தகைய கதாபாத்திரங்களை தேர்வு செய்ய வழிவகுத்தன.
.png)
.png)
Listen News!