1989-ல் வெளியாகிய ராமராஜன் நடிப்பில், இயக்குநர் கங்கை அமரன் உருவாக்கிய கரகாட்டக்காரன் தமிழ் சினிமாவில் ஒரு அசாதாரண சாதனையை நிகழ்த்திய படம். கிராமிய சூழல், பாடல், நகைச்சுவை மற்றும் காதல் கதைகளை பல்வேறு பரிமாணங்களில் இப்படம் வெளிப்படுத்தியது.
அந்த படத்தின் பெரிய வெற்றியினால், கரகாட்டக்காரன் 2 பற்றிய கேள்விகள் எப்போதும் ரசிகர்களிடையே எழுந்துவந்தன. பல ஆண்டுகளாக, கங்கை அமரன் அந்த படத்தின் தொடர்ச்சியை உருவாக்க திட்டமிடுவதாக தகவல்கள் பரவின. ஆனால், அந்த இரண்டாம் பாகம் எப்போது வெளியாகுமென ஒரு நேர்மையான தகவல் கிடைக்கவில்லை.
சமீபத்தில், ஒரு செய்தியாளர் சந்திப்பில் இயக்குநர் கங்கை அமரன் இந்த விவகாரத்தை நேர்மையாக விளக்கினார். அவர் கூறியதாவது, ஒரு வெற்றிகரமான படத்தின் இரண்டாம் பாகத்தை உருவாக்கும் போது, முதல் பாகத்துடன் தொடர்ச்சியாக ஒப்பிடப்படும் அபாயம் உள்ளது. ரசிகர்கள் “முதல் பாகமே சிறந்தது” என்று சொல்லுவார்கள் என்ற பயம் இயக்குநருக்கு சவாலாக இருக்கும் என்றார்.
மேலும், இயக்குநர் கங்கை அமரன், " கரகாட்டக்காரன் 2 படம் பண்ணுவதற்கு கவுண்டமணிக்கு உடல் நிலை சரியில்லை. செந்திலும் தற்பொழுது படம் பண்ணுவதில்லை. ராமராஜனுக்கு உருவம் மாறிவிட்டது. கனகாவும் குண்டாகி விட்டது. அதனால் இவர்களை வைத்து படம் எடுத்தால் நன்றாக இருக்காது." எனவும் தெரிவித்துள்ளார்.
கங்கை அமரனின் இந்த நேர்மையான விளக்கங்கள் ரசிகர்களிடையே பரவி வருகின்றது. வெற்றி பெற்ற படங்களின் தொடர்ச்சியை உருவாக்கும் போது எதிர்பார்ப்புகளை பூர்த்தி செய்வது எவ்வளவு கடினம் என்பதை அவரது கருத்துகள் வெளிப்படுத்துகின்றன.
_698f0e945f40a.jpg)
_698efe9726d6a.webp)
.png)
.png)
Listen News!