நடிகர் மகேஷ் பாபு நடிப்பில், இயக்குநர் எஸ். எஸ். ராஜமௌலி இயக்கத்தில் உருவாகி வரும் வாரணாசி திரைப்படம் குறித்து வெளியாகியுள்ள தகவல்கள் ரசிகர்களிடையே பெரும் எதிர்பார்ப்பை ஏற்படுத்தியுள்ளது. இந்த படத்தின் முன்னோட்ட காட்சிகள் சமீபத்தில் மெக்சிகோ காமிக் கான் நிகழ்வில் திரையிடப்பட்டதாக கூறப்படுகிறது.
அந்த நிகழ்வில் உரையாற்றிய ராஜமௌலி, தனது முந்தைய படைப்பான பாகுபலி குறித்து சுவாரஸ்யமான தகவலை பகிர்ந்துள்ளார். “பாகுபலி” படத்தில் இடம்பெற்ற சிம்மாசனம் மற்றும் நகர வடிவமைப்பு, மெக்சிகோவின் புகழ்பெற்ற சிச்சென் இட்சா பிரமிடை அடிப்படையாகக் கொண்டு உருவாக்கப்பட்டதாக அவர் தெரிவித்துள்ளார். இந்த தகவல் ரசிகர்களை ஆச்சரியப்படுத்தியுள்ளது.
மேலும், ஆர்.ஆர்.ஆர் திரைப்படத்தின் உலகளாவிய வெற்றிக்குப் பிறகு, தனது படைப்புகள் சர்வதேச அளவில் பார்வையாளர்களை சென்றடைவது மிகுந்த மகிழ்ச்சி அளிப்பதாகவும், அதுவே தொடர்ந்து புதிய முயற்சிகளை மேற்கொள்ளும் ஊக்கமாக இருப்பதாகவும் ராஜமௌலி தெரிவித்துள்ளார்.
“வாரணாசி” திரைப்படம் 2027ஆம் ஆண்டு வெளியாகும் என எதிர்பார்க்கப்படுகிறது. இந்த படம் இந்திய சினிமாவை மேலும் ஒரு உலகளாவிய உயரத்திற்கு கொண்டு செல்லும் படைப்பாக இருக்கும் என ரசிகர்கள் நம்பிக்கை வைத்துள்ளனர்.
_69edd59a887ae.webp)
.png)
.png)
Listen News!