இது வெறும் பாட்டு அல்ல... ஒரு உணர்ச்சி! ‘டாடி ரொம்ப பாவம்’ பாடலைப் பாராட்டிய நடிகர் சூரி!

தமிழ் சினிமாவின் கலையுணர்வுள்ள இயக்குநர்களில் ஒருவர் ராம். வாழ்க்கையின் நுண்ணிய உணர்வுகளை திரையில் உணர்த்தும் வகையில் தனது படைப்புகளை உருவாக்கும் அவர், தற்போது இயக்கி வரும் ‘பறந்து போ’ திரைப்படத்தின் இரண்டாவது பாடலான ‘டாடி ரொம்ப பாவம்’ இப்போது இணையத்தில் பெரும் வரவேற்பைப் பெற்றுள்ளது.

இந்த பாடலை பார்த்து நடிகர் சூரி, தனது சமூக வலைத்தளத்தில் மிக உணர்வுபூர்வமான பதிவை பகிர்ந்துள்ளார். அதில் அவர், “அப்பா–மகன் பாசத்தை அற்புதமாக படம் பிடிக்கும் உங்கள் பார்வை எப்போதும் உண்மையும் உணர்வும் கலந்தது ராம் சார். இவை வெறும் படம் அல்ல... நம் உணர்வுகளை தட்டி எழுப்பும் கலை.” என்றார்.

இது ரசிகர்களிடையே மிகுந்த பரபரப்பையும், உணர்ச்சிப் பின்னணியையும் ஏற்படுத்தியுள்ளது. இப்படத்தின் முதலாவது பாடலான ‘சன் பிளவர்’ பாடலை தொடர்ந்து தற்போது வெளிவந்த இரண்டாவது பாடல் ‘டாடி ரொம்ப பாவம்’ குழந்தைகள், பெற்றோர்கள் ஆகியோரைக் கவரும் வகையில் அமைந்திருந்தது.

அந்தவகையில், நடிகர் சூரியின் உருக்கமான பாராட்டு மூலம் இந்த பாடல் இன்னும் பெரும் கவனத்தைப் பெற்றுள்ளது. 'பறந்து போ' திரைப்படம் இவ்வாறே மனித உணர்வுகளை எடுத்துச் செல்லும் படைப்பாக இருக்கலாம் என்பதற்கு முதல் சாட்சியமே இந்த பாடல்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை