சின்னத்திரையில் ஒளிபரப்பாகும் ரியாலிட்டி நிகழ்ச்சிகளில் ரசிகர்களை அதிகம் கவர்ந்த ஒரே நிகழ்ச்சி பிக்பாஸ் நிகழ்ச்சி மட்டும் தான். சினிமாவில் நாம் பார்த்து ரசித்த பிரபலங்களின் உண்மை முகம் இந்த நிகழ்ச்சியின் மூலம் ரசிகர்கள் பலருக்கும் தெரியவரும் . இதற்காகவே இந்த நிகழ்ச்சிக்கு என்று தனிரசிகர் பட்டாளம் உள்ளது.
அந்த வகையில் பல வருடங்களாக ஒளிபரப்பாகிக் கொண்டிருக்கும் இந்த நிகழ்ச்சி தற்போது 6வது சீசனை அட்டகாசமாக நேற்று முன்தினம் ஆரம்பித்துள்ளது. ஜிபி முத்து உட்பட 20 போட்டியாளர்கள் இந்த நிகழ்ச்சியில் பங்கேற்றுள்ளனர். அதில் ரசிகர்கள் எதிர்பார்க்காத பல பிரபலங்களும் இருக்கின்றனர்.
அந்த வகையில் இப்போது ரசிகர்கள் மத்தியில் பிரபலமாக இருக்கும் கவர்ச்சி சூறாவளி கிரண் வைல்ட் கார்டு போட்டியாளராக பிக் பாஸ் வீட்டுக்குள் செல்ல உள்ளாராம். சமீபகாலமாக இன்ஸ்டாகிராமை கிடுகிடுக்க வைக்கும் அளவுக்கு இவருடைய புகைப்படங்கள் தீயாய் பரவி வருகின்றது.
ஆனால் உண்மையில் அவர் இந்த பிக் பாஸ் நிகழ்ச்சிக்கு செல்வதால் தான் இப்படி ஒரு விஷயத்தில் இறங்கினாராம் எனவும் கூறப்படுகின்றது. இதன் மூலம் பிக் பாஸ் நிகழ்ச்சியில் அவருக்கு நிறைய ரசிகர்கள் இருப்பார்கள் என்பதுதான் அவருடைய கணக்கு. மேலும் அவர் நினைத்தது போன்று தற்போது அவர் பிக் பாஸ் வீட்டுக்குள் செல்ல இருப்பது ரசிகர்களை எதிர்பார்ப்பில் ஆழ்த்தியுள்ளது என்று தான் கூற வேண்டும்.
கிட்டத்தட்ட உறுதியான இந்த செய்தி மீடியாக்களில் மிக வேகமாக பரவிக் கொண்டிருக்கிறது. அத்தோடு இந்த நிகழ்ச்சிக்காக அவர் ஒரு நாளைக்கு இரண்டு லட்சம் சம்பளம் கேட்டு இருக்கிறார். இதை எதிர்பாராத விஜய் டிவி தற்போது 1.5 லட்சம் சம்பளம் கொடுக்க முன்வந்துள்ளது.
அதற்கான ஒப்பந்தங்கள் அனைத்தும் தற்போது கையெழுத்திடப்பட்டுள்ள நிலையில் விரைவில் கிரண் பிக் பாஸ் வீட்டுக்குள் செல்ல இருக்கிறார். அத்தோடு முன்னணி நடிகைகளுக்கே பிக்பாஸில் இவ்வளவு சம்பளம் கொடுப்பதில்லை. அப்படி இருக்கும்போது இவர் அசால்டாக இவ்வளவு பெரிய தொகையை சம்பளமாக வாங்க போவது சில நடிகைகளுக்கு பொறாமையை ஏற்படுத்தியுள்ளது.
.png)
.png)
Listen News!