Listen News! | Listen டாக்ஸி டிரைவரை ஏமாற்றிய நடிகர்: கடைசியில் வட்டியுடன் பணத்தை திருப்பிக் கொடுத்த சுவாரஸ்யம். சிறுத்தை சிவா இயக்கத்தில் அஜித் குமார் நடிப்பில் வெளியாகி அமோக வரவேற்பை பெற்ற வீரம் படத்தை இந்தியில் ரீமேக் செய்திருக்கிறார்கள். Kisi Ka Bhai Kisi Ki Jaan என பெயர் வைக்கப்பட்டிருக்கும் அந்த படத்தில் அஜித் கதாபாத்திரத்தில் சல்மான் கானும், தமன்னா கதாபாத்திரத்தில் பூஜா ஹெக்டேவும் நடித்திருக்கிறார்கள். இப் படம் ரம்ஜான் பண்டிகை ஸ்பெஷலாக ஏப்ரல் 21ம் தேதி தியேட்டர்களில் ரிலீஸாகவிருக்கிறது.​Kisi Ka Bhai Kisi Ki Jaan படத்தை விளம்பரம் செய்து வருகிறார் சல்மான் கான். இப் படத்தை விளம்பரம் செய்ய டிவி நிகழ்ச்சி ஒன்றில் கலந்து கொண்டார். மேலும் அந்த நிகழ்ச்சியில் சல்மான் கான் தெரிவித்ததாவது, கல்லூரியில் படித்தபோது ரயிலில் தான் செல்வோம். தினமும் வீட்டில் இருந்து ரயிலில் தானே கல்லூரிக்கு செல்கிறோம் என ஒரு நாள் டாக்ஸில் செல்லும் ஆசை வந்தது. ஆனால் கையில் காசு இல்லை என்றார்.ஒரு டாக்ஸியில் ஏறி கல்லூரிக்கு கிளம்பினேன். கல்லூரிக்கு முந்தைய தெருவிலேயே இறங்கிவிட்டு இங்கேயே காத்திருங்கள் பணத்துடன் வருகிறேன் என டாக்ஸி டிரைவரிடம் கூறிவிட்டுச் சென்றேன். ஆனால் நான் பணத்துடன் திரும்பி வரவில்லை என்றார்.அதன் பின்னர் மாடலிங் செய்யத்  ஆரம்பித்தேன். நன்றாக சம்பாதிக்க ஆரம்பித்தேன். அப்பொழுது ஒரு நாள் டாக்ஸியில் வீட்டிற்கு சென்றேன். என்னை பார்த்த டிரைவரோ, உங்களை எங்கேயோ பார்த்திருக்கிறேனே என சொல்லிக் கொண்டே வந்தார். வீட்டை அடைந்ததும், இங்கேயே இருங்க உள்ளே சென்று பணம் எடுத்து வருகிறேன் என்றேன். உடனே டிரைவருக்கு எல்லாம் நினைவு வந்து என்னை அடையாளம் கண்டுகொண்டார். இருவரும் சிரித்தோம். அவருக்கு வட்டியுடன் சேர்ந்து பணத்தை திருப்பிக் கொடுத்தேன் என்றார் சல்மான் கான்.மும்பையில் இருக்கும் புனித சேவியர் கல்லூரியில் தான் படித்தார் சல்மான் கான். ஆனால் படிப்பை முடிக்காமல் பாதியிலேயே நின்றுவிட்டு படங்களில் நடிக்க ஆரம்பித்துவிட்டார். Kisi Ka Bhai Kisi Ki Jaan படத்தை ஃபரஹ்த் சம்ஜி இயக்கியிருக்கிறார்.அத்தோடு  அதில் வெங்கடேஷ், சித்தார்த் நிகம், பூமிகா, ஜெகபதி பாபு, பாலக் திவாரி, பாக்யஸ்ரீ, ஷெஹ்னாஸ் கில் உள்ளிட்டோர் நடித்திருக்கிறார்கள்.சல்மான் கானின் படம் ரம்ஜான் பண்டிகை ஸ்பெஷலாக வெளியானால் அது ஹிட்டாகிவிடும். அத்தோடு கடந்த 2009ம் ஆண்டு வாண்டட் படம் ரம்ஜான் பண்டிகையையொட்டி ரிலீஸாகி சூப்பர் ஹிட்டானது. அதில் இருந்து தான் ரம்ஜான் பண்டிகைக்கு தன் படங்களை ரிலீஸ் செய்வதை வழக்கமாக வைத்திருக்கிறார் சல்மான் கான். இதற்கிடையே சல்மான் கானும், பூஜா ஹெக்டேவும் காதலிப்பதாக பேச்சு கிளம்பியது. நான் சிங்கிள். சிங்கிளாக சந்தோஷமாக இருக்கிறேன் என விளக்கம் அளித்தார் பூஜா ஹெக்டே. | Pause | Play