தமிழ்ப் புத்தாண்டு ஸ்பெஷல் திரைப்படங்கள்.. எந்த சேனலில் எந்தெந்த படங்கள் தெரியுமா..!

தமிழ் புத்தாண்டு தினத்தையொட்டி பல தொலைக்காட்சி சேனல்களும் ஸ்பெஷல் திரைப்படங்கள் பலவற்றையும் வெளியிடக் காத்திருக்கின்றன.

அந்தவகையில் சன் டிவியில் காலை 11 மணிக்கு நடிகர் வடிவேலு நடிப்பில்வெளிவந்த நாய்சேகர் ரிட்டர்ன்ஸ் திரைப்படமும், மாலை 6 மணிக்கு விஜய் நடிப்பில் வெளிவந்த வாரிசு திரைப்படமும்ஒளிபரப்பப்பட உள்ளது.

அதேபோன்று விஜய் டிவியில் காலை 11 மணிக்கு சிவகார்த்திகேயனின் பிரின்ஸ் திரைப்படமும், பிற்பகல் 2 மணிக்கு மாளிகப்புரம் என்கிற டப்பிங் படமும், மாலை 5 மணிக்கு கார்த்தி நடிப்பில் வெளிவந்த விருமன் திரைப்படமும் இரவு 8 மணிக்கு கடைக்குட்டி சிங்கம் ஆகிய திரைப்படங்கள் ஒளிபரப்பப்பட உள்ளன.

மேலும் ஜீ தமிழில் காலை 1 மணிக்கு அருண் விஜய் நடிப்பில் வெளிவந்த யானை திரைப்படமும், மாலை 4 மணிக்கு ரக்‌ஷித் ஷெட்டி நடித்த 777 சார்லி திரைப்படமும் ஒளிபரப்பாகவுள்ளன.

அதுமட்டுமல்லாது கலைஞர் டிவியில் காலை 10 மணிக்கு ஆர்யாவின் சார்பட்டா பரம்பரை திரைப்படமும், மதியம் 1.30 மணிக்கு அருண் விஜய்யின் சினம் திரைப்படம், மாலை 6 மணிக்கு சிவகார்த்திகேயனின் டான் திரைப்படமும், இரவு 8.30 மணிக்கு ஆர்யா, நயன்தாரா நடித்த பாஸ் என்கிற பாஸ்கரன் திரைப்படமும் ஒளிபரப்பாக உள்ளமை குறிப்பிடத்தக்கது.