சூப்பர் ஸ்டார் ரஜினிகாந்த் நடிப்பில் உருவாகி அண்மையில் திரையரங்குகளில் வெளியான 'ஜெயிலர் 2' திரைப்படம், வெளியான முதல் இரண்டு நாட்களிலேயே உலகளவில் பிரம்மாண்டமான வசூலைப் பதிவு செய்துள்ளதாகத் தெரிவிக்கப்படுகிறது.
ரஜினிகாந்த், இயக்குநர் நெல்சன் திலீப்குமார், இசையமைப்பாளர் அனிருத் ஆகியோரின் கூட்டணியில் கடந்த 2023ஆம் ஆண்டு வெளியான திரைப்படம் தான் 'ஜெயிலர்'. ரசிகர்களிடையே பெரும் வரவேற்பைப் பெற்றதுடன், வசூலிலும் சாதனை படைத்த இந்தத் திரைப்படம், தமிழ் சினிமாவில் முக்கியமான வெற்றிப் படமாக அமைந்தது.
முதல் பாகத்தின் மாபெரும் வெற்றியைத் தொடர்ந்து, அதன் இரண்டாம் பாகமான 'ஜெயிலர் 2' திரைப்படத்திற்காக ரசிகர்கள் நீண்ட காலமாகக் காத்திருந்தனர். இந்நிலையில், கடந்த 15ஆம் தேதி உலகளவில் பிரம்மாண்டமாக வெளியான இப்படம், ரசிகர்களின் எதிர்பார்ப்புக்கு மத்தியில் திரையரங்குகளில் ஓடிக்கொண்டிருக்கிறது.
ரஜினிகாந்தின் மாஸ் நடிப்பு, நெல்சனின் வித்தியாசமான இயக்கம், அனிருத்தின் அதிரடியான பின்னணி இசை ஆகியவை படத்தின் முக்கிய அம்சங்களாக ரசிகர்களால் பேசப்படுகின்றன.
இதற்கிடையில், படம் வெளியான இரண்டு நாட்களைக் கடந்துள்ள நிலையில், உலகளவில் இதுவரை ரூ.210 கோடி வசூல் செய்துள்ளதாகத் தகவல்கள் வெளியாகியுள்ளன.
இந்த வசூல் நிலவரம் ரசிகர்களிடையே பெரும் கவனத்தை ஈர்த்துள்ளது. வரும் நாட்களில் இப்படத்தின் வசூல் மேலும் அதிகரிக்குமா என்பதையும், புதிய சாதனைகளைப் படைக்குமா என்பதையும் திரையுலகினர் ஆவலுடன் எதிர்பார்த்துள்ளனர்.
.png)
.png)
Listen News!