சன் மியூசிக் தொலைக்காட்சியில் தொகுப்பாளினியாக தனது கேரியரை தொடங்கியவர் வி.ஜே மணிமேகலை. அவர் அங்கு பல லைவ் ஷோக்களையும் , பிரபலங்களின் நேர்காணல்களை தொகுத்து வழங்கிய அவர் ரசிகர்கள் மத்தியில் பிரபலம் அடைந்தார்.
சில வருடங்களுக்கு முன்பு பெற்றோர் எதிர்ப்புகளை மீறி உசைன் என்ற நடன இயக்குனரை காதலித்து திருமணம் செய்துகொண்டார். திருமணத்துக்கு மணிமேகலையின் வீட்டார் எதிர்ப்பு தெரிவித்து இருந்ததால் வேறு வழியின்றி நண்பர்கள் முன்னிலையில் இவர்கள் பதிவு திருமணம் செய்து கொண்டனர்.
அதன் பின்னர் 2019 இல் விஜய் டிவி நடத்திய மிஸ்டர் அண்ட் மிஸஸ் சின்னத்திரை என்ற நடன நிகழ்ச்சியில் பங்கேற்ற மணிமேகலை மற்றும் அவரது கணவர் உசைனுக்கு வாய்ப்பு கிடைத்தது. உசைன் இயல்பில் நடன இயக்குநர் என்பதால் மணிமேகலைக்கு பிரச்சனை ஏதும் இல்லாமல் நடன முறைகளை அவரது கணவரே கற்று தந்து தன்னுடன் ஆட வைத்தார். அந்த நிகழ்ச்சி இவருக்கு நல்ல ஒரு வரவேற்பு கொடுத்தது.
தொடர்ந்து விஜய் டிவியில் ஒளிபரப்பாகும் குக் வித் கோமாளி நிகழ்ச்சியில் பங்கேற்று கோமாளியாக அசத்தி வருகின்றார்.
இப்போது இருவரும் திருமணத்திற்கு பிறகு கடினமாக உழைத்து பைக், கார், பிளாட் வாங்குவது, புதிய வீடு கட்டுவது என வளர்ந்து வருகிறார்கள்.
சொந்தமாக யூடியூப் பக்கம், தொகுப்பாளர், பட்டிமன்றங்கள், தனியார் விளம்பரங்கள் என ஓயாது உழைக்கும் தொகுப்பாளினி மணிமேகலையின் சொத்து மதிப்பு மட்டும் ரூ. 3 கோடி வரை இருக்கும் என்கின்றனர்.
.png)
.png)
Listen News!