பொலிஸாரின் வாழ்க்கையில் நடந்த உண்மை சம்பவங்களை அடிப்படையாக கொண்டு உருவாக்கப்பட்டுள்ள ‘சிறை’ திரைப்படம், நேற்று 25.12.2025 கிறிஸ்துமஸ் தினத்தில் உலகம் முழுவதும் உள்ள திரையரங்குகளில் வெளியானது.
வெளியீட்டுக்கு முன்பே கதைத் தேர்வு மற்றும் இயக்குநர் பின்னணி காரணமாக கவனம் பெற்ற இப்படம், வெளியான முதல் நாளிலேயே நல்ல வரவேற்பைப் பெற்றுள்ளது.
இந்த படத்தின் மூலம் இயக்குநராக களமிறங்கியுள்ளார் சுரேஷ் ராஜகுமாரி. இவர், தேசிய விருது பெற்ற இயக்குநர் வெற்றிமாறன் அவர்களிடம் உதவி இயக்குநராக பணியாற்றியவர் என்பது குறிப்பிடத்தக்கது. வெற்றிமாறன் படங்களில் காணப்படும் ரியலிசம், வாழ்க்கைக்கு நெருக்கமான காட்சிகள் போன்ற அம்சங்கள் ‘சிறை’ திரைப்படத்திலும் பிரதிபலிப்பதாக ரசிகர்களும் விமர்சகர்களும் கருத்து தெரிவித்து வருகின்றனர்.
இந்த படத்தில் விக்ரம் பிரபு முக்கிய கதாபாத்திரத்தில் நடித்துள்ளார். அவரின் நடிப்பு ரசிகர்களிடையே பாராட்டுகளை பெற்றுள்ளது. குறிப்பாக, உணர்ச்சிபூர்வமான காட்சிகளிலும், பொலிஸ் அதிகாரியின் மனநிலையை வெளிப்படுத்தும் காட்சிகளிலும் அவர் தன்னை முழுமையாக அர்ப்பணித்துள்ளதாக விமர்சனங்கள் தெரிவிக்கின்றன.
மேலும், புதுமுக நடிகர் அக்ஷய் குமார், அனிஷ்மா, ஆனந்தா உள்ளிட்ட பலரும் முக்கிய கதாபாத்திரங்களில் நடித்துள்ளனர். புதுமுக நடிகர்களின் இயல்பான நடிப்பு படத்திற்கு கூடுதல் வலுவாக அமைந்துள்ளதாக கூறப்படுகிறது.
‘சிறை’ திரைப்படத்தை 7 ஸ்க்ரீன் நிறுவனம் தயாரித்துள்ளது. பெரிய நட்சத்திர பட்டாளம் இல்லாவிட்டாலும், உள்ளடக்கத்திற்கு முக்கியத்துவம் கொடுத்து தயாரிக்கப்பட்ட இப்படம், குறைந்த பட்ஜெட்டில் உருவாகி தற்போது நல்ல வசூல் தொடக்கத்தை பெற்றுள்ளது.
அத்துடன் இத்திரைப்படம், முதல் நாளிலேயே சுமார் 1 கோடி ரூபாய் வசூல் செய்துள்ளதாக தகவல்கள் வெளியாகியுள்ளன. கடுமையான போட்டிகள் இருந்த போதிலும், இத்திரைப்படம் இத்தகைய தொடக்க வசூலை பெறுவது திரையுலகில் கவனம் பெறும் விஷயமாக உள்ளது.
_69c366e26b621.webp)
.png)
.png)
Listen News!