சினிமாவில் களமிறங்கும் ஒவ்வொரு கலைஞருக்கும் அவர்களது முதல் திரைப்படம் என்பது மிகவும் ஸ்பெஷலான அனுபவமாக இருக்கும். அதிலும் சினிமா பின்னணி கொண்ட குடும்பத்தில் இருந்து வந்த ஒருவர், எந்தவித பின்புல உதவியையும் நாடாமல் தனது சொந்த முயற்சியால் வெற்றி பெற வேண்டும் என்ற எண்ணத்துடன் களமிறங்குவது ரசிகர்கள் மத்தியில் கூடுதல் கவனத்தை ஏற்படுத்தும்.
அந்த வகையில் நடிகர் விஜய்யின் மகன் ஜேசன் சஞ்சய் இயக்குநராக அறிமுகமாகியுள்ள திரைப்படம் தான் ‘சிக்மா’. லைகா நிறுவனம் தயாரித்துள்ள இப்படத்தில் சந்தீப் கிஷன், ஃபரியா அப்துல்லா உள்ளிட்ட பலர் முக்கிய கதாபாத்திரங்களில் நடித்துள்ளனர்.
பெரும் எதிர்பார்ப்புகளுக்கு மத்தியில் ‘சிக்மா’ திரைப்படம் நேற்று, அக்டோபர் 2ஆம் தேதி திரையரங்குகளில் மாஸாக வெளியாகியது. விஜய் ரசிகர்கள் மட்டுமின்றி ஒட்டுமொத்த தமிழ் சினிமா ரசிகர்களும் ஜேசன் சஞ்சயின் முதல் படத்திற்கு வாழ்த்துக்களையும் ஆதரவையும் தெரிவித்து வருகின்றனர்.
முதல் நாளிலேயே ஜேசன் சஞ்சயின் அம்மா சங்கீதா மற்றும் தங்கை திவ்யா சாஷா ஆகியோர் திரையரங்கிற்கு சென்று FDFS பார்த்து படத்தை ரசித்தனர். இதுதொடர்பான புகைப்படங்களும் சமூக வலைதளங்களில் கவனம் பெற்றன.
மேலும், திரையுலகைச் சேர்ந்த பல பிரபலங்களும் ‘சிக்மா’ படத்தை பார்த்து தங்களது பாராட்டுகளை தெரிவித்துள்ளனர். படத்திற்கான விமர்சனங்களும் கலவையானதாக வெளியாகி வரும் நிலையில், தற்போது இப்படத்தின் முதல்நாள் வசூல் குறித்த தகவல் வெளியாகியுள்ளது.
அதன்படி, ‘சிக்மா’ திரைப்படம் முதல் நாளில் ரூ.2.5 கோடிக்கு மேல் வசூல் செய்துள்ளதாக தகவல் வெளியாகியுள்ளது. ஜேசன் சஞ்சயின் முதல் படத்திற்குக் கிடைத்துள்ள இந்த ஆரம்ப வசூல், ரசிகர்கள் மத்தியில் பேசுபொருளாகியுள்ளது.
-270e62e0-a053-11f1-a04c-b59c54412a8b_6abc86ec4d71d.jpg)
.png)
.png)
Listen News!