ஹீரோவாக நடிக்க மறுத்த அனிருத்-அந்த படத்தில் நடித்து ஹிட் கொடுத்த பிரபல நடிகர்-யார் தெரியுமா..?

தென்னிந்திய சினிமாவில் முன்னணி இசையமைப்பாளராக வலம் வருபவர் அனிருத். ஒரே சமயத்தில் ரஜினி, கமல், விஜய், அஜித் என உச்ச நட்சத்திரங்களின் படத்திற்கு தற்போது இசையமைத்துள்ளார்,.

விஜய்யின் பீஸ்ட்,கமலின் விக்ரம் படங்களுக்கு இசையமைத்த அனிருத் தற்போது உருவாகவிருக்கும் ரஜினியின் தலைவர் 169 மற்றும் அஜித்தின் 62 படத்திற்கும் இசையமைக்கவுள்ளார் என்பது குறிப்பிடத்தக்க விடயம்.

இதனைத் தொடர்ந்து பிசியாக இருந்து வரும் அனிருத் தனுஷின் 3 படத்தின் மூலம் இசையமைப்பாளராக அறிமுகமானார். முதல் படத்திலேயே கொலவெறி என்ற பாடலை உருவாக்கி உலகம் முழுவதும் பிரபலமானார் அனிருத்.அதைத்தொடர்ந்து எதிர்நீச்சல், வணக்கம் சென்னை, மான் கராத்தே என இவர் இசையமைத்த அனைத்து படங்களின் பாடல்களும் பட்டி தொட்டி எங்கும் ஹிட்டடித்தது

எனினும் இதைத்தொடர்ந்து இவருக்கு விஜய்யின் கத்தி, அஜித்தின் வேதாளம் என அடுத்தகட்ட ஹீரோக்களின் படங்களுக்கு இசையமைக்கும் வாய்ப்பு கிடைத்தது. அதன் பின் அனிருத் முன்னணி இசையமைப்பாளரானார்.

இந்நிலையில் அனிருத்துக்கு நடிக்கவும் வாய்ப்புகள் வந்தது என ஒரு தகவல் தற்போது சமூகவலைத்தளத்தில் வெளியாகிவுள்ளது. இசையமைப்பாளர்களான விஜய் ஆண்டனி, ஜி.வி.பிரகாஷ் ஆகியோர் தற்போது ஹீரோக்களாக கலக்கிவரும் சூழலில் அனிருத்திற்கும் அந்த வாய்ப்பு கிடைத்துள்ளது. ஆனால் அப்போது உள்ள சூழ்நிலையில் அனிருத்தினால் அப்படத்தில் நடிக்கமுடியாமல் போய்விட்டதாம்.

மேலும் அது வேறெந்த படமும் அல்ல, 2015 ஆம் ஆண்டு விக்னேஷ் சிவன் இயக்கத்தில் விஜய் சேதுபதி மற்றும் நயன்தாரா நடிப்பில் வெளியாகி மாபெரும் வெற்றிபெற்ற நானும் ரவுடி தான் திரைப்படம் தான். இப்படத்தில் ஹீரோவாக நடிக்க அனிருத்தை அணுகியுள்ளார் விக்னேஷ் சிவன்.

என்னதான் அனிருத்துக்கு இக்கதை மிகவும் பிடித்திருந்தாலும் நடிப்பதற்கு சற்று தயக்கம் இருந்தத என்று கூறப்படுகின்றது. மேலும் அப்போது விஜய்யின் கத்தி படவேலைகளும் இருந்ததால் அனிருத்தால் இப்படத்தில் நடிக்கமுடியாமல் போனதாம். அதன் பிறகு பல ஹீரோக்களை நாடிய விகேஷ் சிவனுக்கு இறுதியாக விஜய் சேதுபதி நடிக்க ஒப்புக்கொண்டார் என்பது குறிப்பிடத்தக்கது.