ஆர்யா, கௌதம் கார்த்திக், மஞ்சு வாரியர், சரத்குமார் உள்ளிட்ட பல முன்னணி நட்சத்திரங்கள் இணைந்து நடித்துள்ள ‘Mr. X’ திரைப்படம் ரசிகர்களிடையே மிகுந்த எதிர்பார்ப்பை ஏற்படுத்தியுள்ளது. மனு ஆனந்த் இயக்கத்தில் உருவாகியுள்ள இப்படம், ஏப்ரல் 17ஆம் தேதி உலகம் முழுவதும் திரையரங்குகளில் வெளியாக உள்ளது. திபு நினன் தாமஸ் இசையமைத்துள்ளதால், படத்தின் பின்னணி இசையும் பாடல்களும் பெரும் கவனம் பெற்றுள்ளன.
இந்த நிலையில், படப்பிடிப்பின் போது ஏற்பட்ட அனுபவங்களை பற்றி ஆர்யா பகிர்ந்துள்ளார். குறிப்பாக, நீருக்கடியில் எடுத்த காட்சி தான் தனது வாழ்க்கையில் மிகவும் சவாலான அனுபவமாக இருந்ததாக அவர் தெரிவித்துள்ளார்.
சுமார் 20 அடி ஆழமுள்ள கடும் குளிரான நீரில் நீண்ட நேரம் மூச்சை பிடித்து நடித்தது உடல் மற்றும் மன வலிமையை சோதித்ததாகவும் கூறினார். அந்த காட்சிக்காக பல முறை பயிற்சி மேற்கொண்டு, உடல் நடுக்கத்தையும் பயத்தையும் கட்டுப்படுத்தி நடித்ததாகவும் அவர் பகிர்ந்துள்ளார்.
இந்த தகவல்கள் வெளியாகியதுடன், ரசிகர்களிடையே படத்திற்கான எதிர்பார்ப்பு மேலும் அதிகரித்துள்ளது. இப்படம் ஆக்ஷன் மற்றும் திரில்லர் அம்சங்களுடன் ஒரு வித்தியாசமான அனுபவத்தை வழங்கும் என்று எதிர்பார்க்கப்படுகிறது.
.png)
.png)
Listen News!