தமிழ் திரையுலகில் நடிகராகவும், நடன இயக்குநராகவும், இயக்குநராகவும் தனக்கென ஓர் இடத்தைப் பிடித்தவர் ராகவா லாரன்ஸ். திரைப்பயணத்தைக் கடந்து, ஏழை எளிய மக்களுக்கு உதவி செய்து வரும் இவரது சமூகப் பணிகளும் பலரது கவனத்தை ஈர்த்து வருகின்றன.
அந்த வகையில், தனது பிறந்தநாளை முன்னிட்டு ராகவா லாரன்ஸ் முன்னெடுத்துள்ள புதிய முயற்சி தற்போது சமூக வலைத்தளங்களில் பேசுபொருளாகியுள்ளது.
“ஒவ்வொரு தாயின் முகத்திலும் மகிழ்ச்சியைப் பார்ப்பதைவிடப் பெரிய பேறு வேறு எதுவும் இல்லை” என்ற உயரிய நோக்கத்துடன், பெண்களுக்கு இலவசமாகப் பட்டுப் புடவைகள் வழங்கும் ‘பட்டுப் புடவை திட்டத்தை’ அவர் தொடங்கியுள்ளார்.
இந்தத் திட்டத்தின் முதற்கட்டமாக, சென்னை ராயபுரம் பகுதியில் வசிக்கும் ஏழைத் தாய்மார்களுக்கு பட்டுப் புடவைகள் வழங்கப்பட்டுள்ளன. அன்றாட வாழ்க்கையில் பல்வேறு பொருளாதாரச் சவால்களை எதிர்கொண்டு வரும் பெண்களுக்கு மகிழ்ச்சியையும் அன்பையும் பகிர்ந்துகொள்ளும் நோக்கில் இந்த முயற்சி முன்னெடுக்கப்பட்டுள்ளது.
மேலும், கிராமப்புறங்கள் மற்றும் பின்தங்கிய பகுதிகளைச் சேர்ந்த சுமார் 5,000 பெண்களுக்கு பட்டுப் புடவைகள் வழங்க ராகவா லாரன்ஸ் திட்டமிட்டுள்ளதாகத் தெரிவிக்கப்பட்டுள்ளது.
தனது பிறந்தநாளை ஆடம்பரமாகக் கொண்டாடுவதற்குப் பதிலாக, ஏழைத் தாய்மார்களின் முகத்தில் மகிழ்ச்சியை ஏற்படுத்தும் வகையில் அவர் மேற்கொண்டுள்ள இந்த முயற்சி பலரது பாராட்டுகளையும் பெற்று வருகிறது.
திரையுலகப் புகழைத் தாண்டி, மனிதநேயத்துடன் முன்னெடுக்கப்படும் இத்தகைய சமூக நல முயற்சிகள் மக்கள் மத்தியில் நெகிழ்ச்சியை ஏற்படுத்தியுள்ளன.
.png)
.png)
Listen News!