Listen News! | Listen தனுஷ் மாதிரி யாராலும் சினிமாவை புரிஞ்சுக்க முடியாது:புகழ்ந்து தள்ளும் பிரபலம்  ​அமிதாப் பச்சன், தபு நடித்த சீனி கம் படம் மூலம் பாலிவுட்டில் இயக்குநராக அறிமுகமானவர் பால்கி. தஞ்சாவூரை சேர்ந்த பால்கி தற்போது பாலிவுட்டில் படங்கள் இயக்கி வருகிறார். அத்தோடு தன் முதல் படமான சீனி கம்முக்கு இசைஞானி இளையராஜாவை இசையமைக்க வைத்தார். தொடர்ந்து வித்தியாசமான படங்களை இயக்கி வருகிறார் பால்கி. அவர் தனுஷை வைத்து ஷமிதாப் இந்தி படத்தை இயக்கினார். அத்தோடு அந்த படத்தில் அமிதாப் பச்சனும், கமல் ஹாசனின் இளைய மகள் அக்ஷராவும் நடித்திருந்தார்கள்.சென்னையில் நடந்த நிகழ்ச்சி ஒன்றில் பேசிய பால்கி கூறியிருப்பதாவது, இங்கு இருப்பவர்களை விட நான் நிறைய தமிழ் படங்கள் பார்ப்பேன். எனக்கு தென்னிந்தியாவுடன் தொடர்பு இருக்கிறது. தனுஷ் போன்று வேறு யாராலும் சினிமாவை புரிந்துகொள்ள முடியாது. அத்தோடு அவர் ஒரு அருமையான எழுத்தாளர். அவர் ரொம்ப ஸ்பெஷலானவர். சூர்யா, விஜய் சேதுபதி ஆகியோர் சிறப்பாக நடித்து வருகிறார்கள் என்றார்.​தனுஷ் பற்றி பால்கி மேலும்  தெரிவித்ததாவது, அவர் உணர்ச்சிகளை வெளிப்படுத்துவது வித்தியாசமாக இருக்கும். திரையில் மேஜிக் செய்வார். தனுஷ் ஒரு பான் இந்திய ஸ்டார். The Extraordinary Journey Of The Fakir படம் மூலம் ஹாலிவுட் வரை சென்றுவிட்டார் என்றார்.பால்கி மட்டும் அல்ல அவரின் மனைவி கௌரி ஷிண்டேவும் ஒரு இயக்குநர் ஆவார். அவர் மறைந்த நடிகை ஸ்ரீதேவியை வைத்து இயக்கிய இங்கிலிஷ் விங்கிலிஷ் படம் சூப்பர் டூப்பர் ஹிட்டானது. அத்தோடு இந்தியில் அமிதாப் பச்சனும், தமிழில் அஜித்தும் கவுரவத் தோற்றத்தில் வந்திருந்தார்கள். ஸ்ரீதேவியின் கெரியரில் மிகவும் முக்கியமான படமாக அமைந்தது இங்கிலிஷ் விங்கிலிஷ்.தனுஷ் தற்போது அருண் மாதேஸ்வரன் இயக்கத்தில் கேப்டன் மில்லர் படத்தில் நடித்து வருகிறார். இதையடுத்து சேகர் கம்முலா இயக்கத்தில் நடிக்கவிருக்கிறார். மேலும் டி50 படத்தை இயக்கவிருக்கிறார் தனுஷ். மேலும் இது தவிர்த்து மாரி செல்வராஜ் இயக்கத்தில் மீண்டும் நடிக்க ஒப்புக் கொண்டிருக்கிறார். அந்த படத்தில் நடிப்பதுடன் தயாரிக்கவும் செய்கிறார். 4 ஆண்டுகள் கழித்து தன் வுண்டர்பார் ஃபிலிம்ஸ் நிறுவனம் மூலம் ஒரு படத்தை தயாரிக்கிறார்.​பிற பிரபலங்களை போன்றே தனுஷும் ட்விட்டரில் ப்ளூ டிக்கை இழந்துவிட்டார். அத்தோடு மாத சந்தா செலுத்தாத அனைவரின் ப்ளூ டிக்கும் போய்விட்டது. மாத சந்தா செலுத்தி தன் செல்போன் எண்ணை வெரிஃபை செய்த சூர்யாவின் ட்விட்டர் கணக்கில் ப்ளூ டிக் அப்படியே இருக்கிறது. ஆனால் அவர் தம்பி கார்த்தி ப்ளூ டிக்கை இழந்துவிட்டார் என்பது குறிப்பிடத்தக்கது. | Pause | Play