ப்ரமோஷனுக்காக மனுஷன் என்ன எல்லாம் செய்யிறார் என்று பாருங்க- விஜய்யை மோசமாக விளாசி வரும் நெட்டிசன்கள்

நடிகர் விஜய் தவிர்க்க முடியாத நடிகராக வலம் வருபவர் தான் விஜய். இவரது நடிப்பில் தற்பொழுது வாரிசு என்னும் திரைப்படம் உருவாகியுள்ளது. இப்படத்தினை தெலுங்கு இயக்குநரான வம்சி இயக்கி வருகின்றார். அத்தோடு இப்படத்தில் கதாநாயகியாக ராஷ்மிகா மந்தனா நடித்துள்ளார்.

இந்த நிலையில் விஜய் இரண்டு வருடங்களுக்கு பின்னர், மீண்டும் தன்னுடைய ரசிகர்களை மாவட்ட ரீதியாக, அவ்வப்போது சந்தித்து ரசிகர் மன்ற செயல்பாடுகள் குறித்து விவாதித்து வருகிறார்.அந்த வகையில் சமீபத்தில் சேலம் மற்றும் நாமக்கல் மாவட்டத்தை சேர்ந்த ரசிகர்களை சந்தித்தார்.

அந்த வகையில் நேற்று இரண்டாம் கட்டமாக செங்கல்பட்டு, அரியலூர், திண்டுக்கல், கடலூர், ஆகிய நான்கு மாவட்டங்களைச் சேர்ந்த நிர்வாகிகள் மற்றும் ரசிகர்களை சந்தித்தார். இந்த சந்திப்புக்கு முன்னதாக, விஜய் தன்னுடைய ரசிகர்களுக்கு தடபுடலாக பிரியாணி விருந்து வைத்து அசத்தினார்.

மிகவும் ஸ்டைலிஷான 'வாரிசு' பட லுக்கில் வந்திறங்கிய விஜய் சுமார் மூன்று மணிநேரம் ரசிகர்களுடன் கலந்துரையாடினார். இந்த சந்திப்பிற்கு விஜய் வந்த போது எடுக்கப்பட்ட புகைப்படங்கள் மற்றும் விஜய் ஒரு ரசிகரை கையில் ஏந்தியபடி எடுத்து கொண்ட புகைப்படங்கள் சமூக வலைத்தளத்தில் வைரலானது.

இந்த புகைப்படத்தை விஜய் ரசிகர்கள் ஒரு பக்கம் அதிகம் ஷேர் செய்து ட்ரெண்ட் செய்து வந்த நிலையில் மற்றொரு தரப்பில் கடும் விமர்சனங்களுக்கு ஆளாகி உள்ளது. விஜய் படத்தின் ஷூட்டிங் சென்னை போன்ற இடங்களில் எடுக்கப்பட்டால், விஜய்யை சந்திக்க மாற்று திறனாளி ரசிகர்கள் முதல் குழந்தை ரசிகர்கள் வரை ஷூட்டிங் ஸ்பாட் கேட்டில் கூடி விடுவது உண்டு.

அப்படி பட்ட நேரத்தில் கூட, ரசிகர்களுக்காக காரை விட்டு கீழே இறங்காமல், ரசிகர்களை பார்த்து கை அசைக்காமல் செல்லும் விஜய், தற்போது ப்ரமோஷனுக்காக இப்படி போஸ் கொடுத்து புகைப்படம் வெளியிடுவதாக கூறி விளாசி வருகிறார்கள் என்பதும் குறிப்பிடத்தக்கது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை