கமல்ஹாசன் நடித்த ’இந்தியன் 2’ திரைப்படம் எதிர்பார்த்த வெற்றி பெறாத நிலையில் ’இந்தியன் 3’ திரைப்படத்தை நிச்சயம் வெற்றி படமாக்க வேண்டும் என்பதற்காக அவர் தனது சொந்த காசை செலவு செய்து கூடுதலாக சில காட்சியை படமாக்க இருப்பதாக கூறப்படுகிறது.
கமல்ஹாசன் நடித்த ’இந்தியன்’ திரைப்படம் மிகப்பெரிய வெற்றி பெற்ற நிலையில் அதில் பாதி வெற்றி பெற்றால் கூட ’இந்தியன் 2’ படம் சூப்பர் வெற்றி என்ற நிலை இருந்தது. ஆனால் ’இந்தியன் 2’ திரைப்படம் மிக மோசமான வசூலை பெற்றது என்பதும் பல நெகட்டிவ் விமர்சனங்களையும் பெற்றதால் படக்குழுவினர் அதிர்ச்சி அடைந்துள்ளனர்.
குறிப்பாக ’விக்ரம்’ என்ற சூப்பர் ஹிட் படத்தின் அடுத்த படமே மிகப்பெரிய தோல்வி படமாக அமைந்தது கமல் இமேஜுக்கு பெரும் பாதிப்பை ஏற்படுத்தியுள்ளதாக கூறப்படுகிறது.
இந்த நிலையில் விட்டதை பிடித்தே ஆக வேண்டும் என்ற நிலையில் ’இந்தியன் 3’ திரைப்படத்தை கண்டிப்பாக சூப்பர் ஹிட் படமாக்க வேண்டும் என்றும் ஏற்கனவே படமாக்கப்பட்ட காட்சிகளை பார்த்த கமல்ஹாசன் ஷங்கரை அழைத்து சில மாற்றங்கள் செய்து புதிதாக படப்பிடிப்பு நடத்த வேண்டும் என்று கூறியதாக தெரிகிறது.
ஆனால் ’இந்தியன் 2’ நஷ்டத்தால் சோர்ந்து போய் உள்ள லைக்கா நிறுவனம் புதிதாக படப்பிடிப்பு நடத்த பட்ஜெட் இல்லை என்று கூறிய நிலையில் கமல்ஹாசன் சொந்த காசை வைத்து செலவு செய்து படப்பிடிப்பை நடத்த திட்டமிட்டுள்ளதாகவும் ’இந்தியன் 3’ படத்தை கண்டிப்பாக வெற்றிப்படம் ஆக்கியே தீருவேன் என்று கமல்ஹாசன் உறுதியாக இருப்பதாகவும் கூறப்படுகிறது.
_6711e29edd3f2.webp)
_6710a74348b77.jpg)
.png)
.png)
Listen News!