தமிழ் சினிமாவில் தனது தனித்துவமான நடிப்பாலும், நகைச்சுவை கலந்த இயல்பான நடிப்புத் திறமையாலும் ரசிகர்களைக் கவர்ந்தவர் நடிகை ஊர்வசி. பல தசாப்தங்களாகத் திரையுலகில் பயணித்து வரும் இவர், தற்போது ‘மூக்குத்தி அம்மன் 2’ திரைப்படம் குறித்துப் பகிர்ந்துள்ள கருத்துக்கள் ரசிகர்கள் மத்தியில் கவனம் பெற்று வருகின்றன.
‘மூக்குத்தி அம்மன்’ படத்தின் முதல் பாகம் ரசிகர்களிடம் நல்ல வரவேற்பைப் பெற்ற நிலையில், தற்போது அதன் இரண்டாம் பாகம் குறித்த எதிர்பார்ப்புகளும் அதிகரித்துள்ளன. இந்த நிலையில், இப்படம் தொடர்பான நிகழ்வில் கலந்துகொண்டு பேசிய நடிகை ஊர்வசி, முதல் பாகத்திற்கும் இரண்டாம் பாகத்திற்கும் எந்தச் சம்பந்தமும் இல்லை எனத் தெரிவித்துள்ளார்.
மேலும், முதல் பாகத்தில் நடித்தபோது இரண்டாம் பாகம் உருவாகும் என்றும், அதிலும் தான் நடிப்பேன் என்றும் கனவில்கூட நினைத்ததில்லை எனக் குறிப்பிட்டுள்ளார்.
இதற்கிடையில், இதுவரை சுமார் 750 படங்களில் நடித்துள்ளதாகக் கூறிய ஊர்வசி, இயக்குநர் சுந்தர்.சி இயக்கத்தில் நடித்ததைத் தனது பாக்கியமாகக் கருதுவதாக நெகிழ்ச்சியுடன் தெரிவித்துள்ளார். ஒவ்வொரு காட்சியிலும் நடித்தபோதுகூட, படப்பிடிப்பில் பங்கேற்கிறோம் என்ற உணர்வே தனக்கு ஏற்பட்டதில்லை என்றும் அவர் கூறியுள்ளார்.
தமிழில் தனக்குப் பிடித்த இயக்குநர் யார் என்று கேட்டால், சுந்தர்.சி என்று தான் கூறுவேன் எனத் தெரிவித்த ஊர்வசி, இந்தப் படத்தின் உண்மையான ஹீரோ சுந்தர்.சி தான் என்றும் பாராட்டியுள்ளார்.
750 படங்களுக்கு மேல் நடித்த அனுபவம் கொண்ட நடிகை ஊர்வசி, சுந்தர்.சி குறித்து இவ்வளவு பாராட்டிப் பேசியிருப்பது ரசிகர்களின் கவனத்தை ஈர்த்துள்ளதுடன், அவரது கருத்துக்கள் சமூக வலைத்தளங்களிலும் வைரலாகி வருகின்றன.
.png)
.png)
Listen News!