விக்ரமுக்கு மாரடைப்பு ஏற்பட்டது ஆனால் அவர் அதை மறைச்சிட்டாரு- வெளிப்படையாகப் பேசிய பயில்வான் ரங்கநாதன்

தமிழ் சினிமாவில் கமல்ஹாசனுக்கு பிறகு வித்தியாசமான கதாபாத்திரங்களை ஏற்று நடித்து உடல் உழைப்பை அதிகம் சிந்தி நடிக்கும் நடிகராக சியான் விக்ரம் இருக்கிறார் என அவரது பிறந்தநாளை முன்னிட்டு பாராட்டி பயில்வான் ரங்கநாதன் ஒரு வீடியோவை வெளியிட்டுள்ளார். சியான் விக்ரமின் உண்மையான பெயர் ஜான் விக்டர் கென்னடி என்றும் இயக்குநர் ஸ்ரீதர் தான் சினிமாவில் விக்ரம் என்கிற பெயருடன் அவரை அறிமுகப்படுத்தினார்.

நடிகர் பிரசாந்தின் அப்பா நடிகர் தியாகராஜனின் தங்கை ராஜேஷ்வரி தான் சியான் விக்ரமின் அம்மா என்றும் துணை கலெக்டராக பணியாற்றியவர் என்றும் பயில்வான் ரங்கநாதன் தனது பேட்டியில் கூறியுள்ளார். நடிகர் பிரசாந்தின் அத்தை மகன் தான் சியான் விக்ரம் என்றாலும் இருவரும் அதனை வெளியே காட்டிக் கொள்ளாமலும், ஒருத்தருக்கு ஒருத்தர் பேசிக் கொள்ளாமலும் இருந்து வருகின்றனர் என்றார்.

அப்பா வினோத் ராஜ் கிறிஸ்தவராக இருந்தாலும், அம்மா ராஜேஸ்வரி இந்து என்பதால் சியான் விக்ரம் குடும்பத்தில் இரு மதங்களையும் பின்பற்றி வருகின்றனர். துருவ் விக்ரமை நடிகராக மாற்றிய விக்ரம் தனது மகள் அக்‌ஷிதாவை கருணாநிதி குடும்பத்தில் திருமணம் செய்து கொடுத்த நிகழ்வையும் குறிப்பிட்டுள்ளார்.

அதிகமாக ரிஸ்க் எடுத்து படங்களில் நடித்து வரும் சியான் விக்ரம் அந்நியன், ஐ உள்ளிட்ட படங்களில் தனது உடம்பை மிகவும் வருத்திக் கொண்டு நடித்தார். சமீபத்தில் சியான் விக்ரமுக்கு மாரடைப்பு ஏற்பட்டது என்றும் ஆனால், அதனை அவர் ரகசியமாக வைத்துக் கொண்டு வெளியே சொல்லாமல் மீண்டு வந்தார் என்றும் தங்கலான் படத்தில் இந்த வயதிலும் கஷ்டப்பட்டு நடித்து வருகிறார் என்றும் பாராட்டி உள்ளார். அதிகமாக ஜிம்முக்கு சென்று உடற்பயிற்சி செய்து வரும் நடிகர்களுக்கு சமீப காலமாக மாரடைப்பு ஏற்பட்டு வரும் நிலையில், சியான் விக்ரமுக்கு எதுவும் ஆகக் கூடாது என்றும் அவர் வலிமையானவர் எதுவும் ஆகாது என்றும் ரசிகர்கள் அவரது வீடியோவுக்கு கீழ் கமெண்ட் போட்டு வருகின்றனர் என்பதும் குறிப்பிடத்தக்கது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை