"ஜனநாயகன்" படத்துக்கு ஆப்பு வைத்த வருமான வரித்துறை...! – ஏமாற்றத்தில் ரசிகர்கள்..!

தளபதி விஜயின் கடைசி படமான "ஜனநாயகன்" படம் குறித்து தற்போது பரபரப்பான தகவல் ஒன்று சமூக ஊடகங்களில் வெளியாகியுள்ளது. வினோத் இயக்கத்தில் உருவாகும் இத்திரைப்படத்தின் படப்பிடிப்பு தற்காலிகமாக நிறுத்தம் பெற்றுள்ளதாக செய்திகள் வெளியாகி உள்ளன.

விஜய் நடிக்கும் "ஜனநாயகன்" திரைப்படம் குறித்து ஆரம்பத்திலிருந்தே ரசிகர்கள் மத்தியில் மிகப்பெரிய எதிர்பார்ப்பு நிலவுகின்றது. இப்படம் விஜயின் அரசியல் வருகைக்கு முன்னோடியான கடைசி திரைப்படம் என்பதால், ரசிகர்கள் மட்டுமல்லாது திரைத்துறையினரும் பெரிதும் எதிர்பார்த்து வருகின்றனர்.

இந்தப் படத்தில் பூஜா ஹெக்டே, மமிதா பைஜூ, பாபி தியோல், பரமேஷ் வர்மா உள்ளிட்ட பலர் முக்கிய கதாபாத்திரங்களில் நடித்து வருகின்றார்கள். பெரும்பாலான காட்சிகள் சென்னை மற்றும் மும்பை போன்ற இடங்களில் எடுக்கப்பட்டு வருகின்றன. முன்னணி தொழில்நுட்பக் கலைஞர்கள் இப்படத்தில் பணியாற்றுவதால் தரமான தயாரிப்பாக இருக்கும் எனவும் எதிர்பார்க்கப்படுகின்றது.

இந்த படத்தை பெங்களூரைச் சேர்ந்த KVN புரொடக்‌ஷன் நிறுவனம் மிகுந்த கோலாகலமாகத் தயாரித்து வருகின்றது. ஆனால் சமீபத்தில் இந்த நிறுவனத்தில் வருமான வரித்துறை அதிகாரிகள் சோதனை நடத்தியுள்ளனர். அவர்களது நடவடிக்கை தொடர்ச்சியாக மூன்று நாட்களுக்கு மேல் நீடித்ததாகத் தகவல்கள் தெரிவிக்கின்றன. சோதனையின் பின் நிறுவனத்தின் சில முக்கிய வங்கி கணக்குகள் முடக்கப்பட்டுள்ளன எனவும் கூறப்படுகின்றது.

தொடர்ந்து மூன்று வாரங்கள் சம்பளமின்றி பணியாற்றிய தொழிலாளர்கள், தங்களது நிலையை தயாரிப்பு குழுவிடம் தெரிவித்திருந்தனர். எனினும், தயாரிப்பு நிறுவனம் எவ்வித தீர்வும் வழங்காமல் இருப்பதாகவும் ஊடகங்களில் செய்திகள் வெளியாகியுள்ளன. இதனால் பலர் பணியைத் தவிர்த்து வந்த நிலையில், தற்போது முழுமையாக ஷூட்டிங் நிறுத்தப்பட்டுவிட்டதாக கூறப்படுகின்றது.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை