Listen News! | Listen 'வாரிசு' படத்தை பார்த்து விட்டு லோகேஷ் சொன்ன விஷயம்: 'தளபதி 67' அப்டேட்டும் கொடுத்து இருக்காரு. வம்சி பைடிபல்லி இயக்கத்தில் இன்று வெளியாகியுள்ள விஜய்யின் 'வாரிசு' படத்தை முதல் நாள் முதல் காட்சி பார்த்துள்ளார் இயக்குநர் லோகேஷ் கனகராஜ்.தமிழ் சினிமாவில் தொடர் வெற்றி படங்களை கொடுத்தவர் லோகேஷ் கனகராஜ்.மேலும் இவர் கமலின் 'விக்ரம்' படத்தினை தொடர்ந்து விஜய் நடிப்பில் புதிய படம் ஒன்றை இயக்கவுள்ளார். இந்தப்படத்திற்கான முதற்கட்ட பணிகளில் தீவிரமாக இறங்கியுள்ளார் லோகேஷ். அத்தோடு கடந்த மே மாதம் வெளியான 'விக்ரம்' படம் திரையுலக பிரபலங்களின் பாராட்டு மற்றும் வசூல் மழையில் நனைந்ததால் இவரின் அடுத்த படத்திற்கு உச்சக்கட்ட எதிர்பார்ப்பு எழுந்துள்ளது.'விக்ரம்' படத்தினை தொடர்ந்து இரண்டாவது முறையாக விஜய்யை இயக்கவுள்ளார் லோகேஷ் கனகராஜ். மாஸ்டர் படத்தின் வெற்றிக்கு பிறகு 'தளபதி 67' ல் இந்த கூட்டணி மீண்டும் இணைந்துள்ளது. 'மாஸ்டர்' படத்தில் விமர்சனரீதியாக எழுந்த சர்ச்சைகளை சரிகட்ட போவதாகவும், இந்தப்படம் ழுழுக்க தன்னுடைய பாணியில் இருக்க போவதாகவும் லோகேஷ் பேட்டிகளில் கூறி வருகிறார்.மேலும் இந்தப்படத்தில் விஜய் நாற்பது வயதான கேங்ஸ்டர் கதாபாத்திரத்தில் நடிக்கவுள்ளதாகவும் கூறப்படுகிறது.மேலும்  இந்தப்படத்தின் பூஜை அண்மையில் நடந்து முடிந்தது. ஆனால் இதுதொடர்பான புகைப்படங்கள் எதுவும் இணையத்தில் கசியாதபடி கவனமாக உள்ளனர் ரசிகர்கள். 'வாரிசு' பட ரிலீசுக்கு பின்பே இந்தப்படம் தொடர்பான அறிவிப்பை வெளியிடுவதில் உறுதியாக இருந்தனர் படக்குழுவினர்.'தளபதி 67' படத்தின் முதற்கட்ட படப்பிடிப்பு அண்மையில் நடந்து முடிந்தது. இந்த டெஸ்ட் ஷுட்டிங்கில் விஜய், மிஷ்கின், சாண்டி மாஸ்டர் உள்ளிட்டோர் கலந்து கொண்டதாக கூறப்பட்டது. இந்நிலையில் இன்று வெளியாகியுள்ள 'வாரிசு' படத்தின் முதல் காட்சியை பார்க்கவே தியேட்டருக்கு வந்துவிட்டார் லோகேஷ் கனகராஜ்.அத்தோடு 'வாரிசு' படம் பார்த்து வெளியே வந்தவரிடம் விமர்சனம் கேட்ட போது, தனக்கு படம் ரொம்பவே பிடித்து இருப்பதாகவும், விஜய்யை ரொம்ப நாள் கழித்து பேமிலி சென்டிமென்ட் படத்தில் பார்க்கவே சூப்பராக இருந்ததாகவும் தெரிவித்துள்ளார். மேலும் இந்தப்படத்திற்காக தான் இத்தனை நாட்கள் காத்திருந்ததாகவும், இந்தப்படம் ரிலீசாகிவிட்டதால் விரைவில் 'தளபதி 67' படத்தின் அறிவிப்பு வெளியாகும் என்றும் கூறியுள்ளார்.ஒரே நாளில் தங்களுக்கு இரண்டு ட்ரீட் கிடைத்துள்ள உற்சாகத்தில் உள்ளனர் ரசிகர்கள்.அத்தோடு  வாரிசை பொறுத்தவரை விஜய் ஒன்மேன் ஷோவாக படத்தை தாங்கி பிடித்துள்ளதாக படம் பார்த்தவர்கள் தங்களின் கருத்துக்களை பகிர்ந்து வருகின்றனர். | Pause | Play