காமெடி நடிகர் வெங்கல்ராவ் என்பவர் கடந்த சில நாட்களாக உடல்நலக் குறைவால் சிகிச்சை பெற்று வரும் நிலையில் அவர் சமீபத்தில் வெளியிட்ட வீடியோவில் தனக்கு சினிமா கலைஞர்கள் நிதி உதவி செய்ய வேண்டும் என்று வேண்டுகோள் விடுத்து இருந்தார்.
இந்த நிலையில் நடிகர் சிம்பு 2 லட்சம், கேபிஒய் பாலா ஒரு லட்சம் , ஐஸ்வர்யா ராஜேஷ் 25 ஆயிரம் என நிதியுதவி செய்த நிலையில் இன்னும் சில நடிகர்கள் உதவி செய்வார்கள் என்று எதிர்பார்க்கப்பட்டது.
வடிவேலுவுடன் வெங்கல்ராவ் பல திரைப்படங்களில் நடித்துள்ளதால் வடிவேலு அவருக்கு நிதி உதவி செய்வார் என்று கூறப்பட்ட நிலையில் சற்றுமுன் வெளியான தகவலின்படி வெங்கல்ராவ் சிகிச்சைக்காக வடிவேலு ஒரு லட்ச ரூபாய் நிதி உதவி செய்துள்ளதாக கூறப்படுகிறது. அதுமட்டுமின்றி அவர் வெங்கல்ராவுக்கு போன் செய்து உடல்நிலை எப்படி இருக்கிறது? சரியாக சிகிச்சை செய்யுங்கள், உடல் நலத்தை நன்றாக பாதுகாத்துக் கொள்ளுங்கள் என்று விசாரித்ததாகவும் தகவல்கள் வெளியாகி உள்ளன.
பொதுவாக வடிவேலு தன்னுடன் நடித்த நடிகர்கள் கஷ்டப்பட்டால் அவருக்கு உதவி செய்ய மாட்டார் என்று கூறப்படும் நிலையில் வெங்கல்ராவுக்கு அவர் ஒரு லட்ச ரூபாய் கொடுத்து நிதி உதவி செய்துள்ளார் என்பது குறிப்பிடத்தக்கது.
_673ebbb5cf991.jpg)
.png)
.png)
Listen News!