நடிகர் மணிகண்டன் தனது வாழ்க்கையில் ஏற்பட்ட பயங்கள் மற்றும் தனக்குள் இருந்த தயக்கங்கள் குறித்து பகிர்ந்த கருத்து தற்போது சமூக வலைத்தளங்களில் பெரும் கவனத்தை பெற்றுள்ளது. அவர் கூறுகையில், தனது நண்பர்கள் தன்னை “தெனாலி” என்று அழைப்பார்கள் என்றும், அதற்குக் காரணம் எதற்கும் அதிக தைரியம் இல்லாத தன்மை தான் என்றும் தெரிவித்துள்ளார்.
நடிப்புக்கு வருமுன், திரை உலகில் தன்னை எப்படி ஏற்றுக் கொள்வார்கள் என்பதே மிகப்பெரிய பயமாக இருந்ததாக அவர் கூறியுள்ளார். டைரக்டர்கள் நடிக்கலாம் என்று சொன்னபோதும், திரையில் நான் எப்படி இருப்பேன், பார்வையாளர்கள் என்னை ஏற்றுக்கொள்வார்களா என்ற எண்ணம் தொடர்ந்து மனதில் இருந்ததாக அவர் வெளிப்படையாக தெரிவித்துள்ளார்.
அதேபோல், உயரமான இடங்களில் நிற்பது கூட அவருக்கு சிரமமாக இருந்ததாகவும், இரண்டாவது மாடியில் இருந்து கீழே பார்த்தால் தலைசுற்றும் அளவுக்கு பயம் இருந்ததாகவும் கூறியுள்ளார். பறவைகள் மற்றும் செல்லப்பிராணிகளைப் பார்த்தால்கூட அச்சம் ஏற்படும் நிலை இருந்ததாகவும் அவர் பகிர்ந்துள்ளார்.
மேலும், தண்ணீர் தொடர்பான சூழ்நிலைகள்—நீச்சல்குளம், கடல், கனமழை போன்றவை எல்லாமே அவருக்கு பயத்தை ஏற்படுத்தும் விஷயங்களாக இருந்ததாகவும் தெரிவித்துள்ளார். இப்படிப்பட்ட பல்வேறு அச்சங்களுடன் இருந்தாலும், இன்று அவர் திரைத்துறையில் தன்னை நிரூபித்து வருவது ரசிகர்களிடையே பெரும் ஆச்சரியத்தையும் பாராட்டையும் ஏற்படுத்தியுள்ளது.
.png)
.png)
Listen News!