நடிகர் அர்ஜுன் தாஸ் கதாநாயகனாக நடித்துள்ள ‘கான் சிட்டி’ திரைப்படம் வெளியாகும் நிலையில், இப்படம் குறித்து பிரபல தயாரிப்பாளர் மகேஷ் ராஜ் அளித்த பாராட்டு கருத்துகள் தற்போது திரையுலகத்தில் பெரும் கவனம் பெற்றுள்ளன.
படம் வெளியீட்டுக்கு முன்பே கிடைத்துள்ள இந்த வரவேற்பு, ரசிகர்களிடையே எதிர்பார்ப்பை அதிகரித்துள்ளது.
‘மாஸ்டர்’, ‘கைதி’, ‘விக்ரம்’ போன்ற வெற்றிப் படங்களில் தனது தனித்துவமான குரல் மற்றும் வலுவான நடிப்பால் கவனம் பெற்ற அர்ஜுன் தாஸ், இப்போது முழுநேர கதாநாயகனாகவும் பல்வேறு விதமான கதாபாத்திரங்களிலும் தொடர்ந்து நடித்துவருகிறார். அறிமுக இயக்குநர் ஹரிஷ் துரைராஜ் இயக்கத்தில் உருவாகியுள்ள இந்த ‘கான் சிட்டி’ திரைப்படம் அவரது மற்றொரு முக்கிய முயற்சியாக பார்க்கப்படுகிறது.
இப்படத்தில் நடிகை அன்னா பென், வடிவுக்கரசி, யோகி பாபு உள்ளிட்ட பலரும் முக்கிய கதாபாத்திரங்களில் நடித்துள்ளனர். Power House Pictures நிறுவனம் இப்படத்தை தயாரித்துள்ளது. இசையமைப்பாளர் ஷான் ரோல்டன் இசையில் பாடல்கள் மற்றும் பின்னணி இசை உருவாகியுள்ளது.
நகர வாழ்க்கையில் வாழும் நடுத்தர குடும்பத்தின் உணர்வுகள், அன்றாட போராட்டங்கள் மற்றும் சமூக சூழ்நிலைகளை மையமாகக் கொண்டு இப்படத்தின் கதை அமைக்கப்பட்டுள்ளது. உணர்ச்சி சார்ந்த கதைக்களத்துடன் அதிரடி அம்சங்களும் கலந்திருக்கின்றன என படக்குழு தெரிவித்துள்ளது.
இப்படம் வரும் 26-ம் தேதி திரையரங்குகளில் வெளியாக உள்ளது. இதற்கிடையில், டிரெய்லர் வெளியீடு குறித்த அறிவிப்பு வெளியாகியுள்ளது. அதன்படி, இன்று மாலை 5 மணியளவில் டிரெய்லர் வெளியாகும் என கூறப்பட்டுள்ளது. ரசிகர்கள் தற்போது அந்த வெளியீட்டை ஆவலுடன் எதிர்பார்த்து வருகின்றனர்.
.png)
.png)
Listen News!