பொன்னியின் செல்வன் 2 படத்தின் முதல் சிங்கிள் பாடல் எப்போது ரிலீஸ் தெரியுமா?

இயக்குநர் மணிரத்னம் இயக்கத்தில் விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, ஐஸ்வர்ய லட்சுமி, சரத்குமார், பார்த்திபன், பிரபு, விக்ரம் பிரபு, லால், ஜெயராம் உள்ளிட்டோர் நடிப்பில் உருவாகி கடந்தாண்டு வெளியான சரித்திர படம் பொன்னியின் செல்வன்.

ரூ.500 கோடி வசூல் சாதனை புரிந்த இந்த படத்தின் இரண்டாம் பாகம் ஏப்., 28ல் திரைக்கு வருகிறது. தற்போது அதற்கான பணிகள் விறுவிறுப்பாக நடந்து வருகின்றன. புரொமோஷன் பணிகள் துவங்கி உள்ளன.

முதற்கட்டமாக ‛அக நக' என்ற முதல் பாடலை மார்ச் 20ல், மாலை 6 மணிக்கு வெளியிடுவதாக அறிவித்துள்ளனர். இளங்கோ கிருஷ்ணன் இந்த பாடலை எழுத, சக்திஸ்ரீ கோபாலன் பாடி உள்ளார். ஏ.ஆர்.ரஹ்மான் இசையமைத்துள்ளார்.

இதுதொடர்பாக ஒரு போஸ்டரை படக்குழுவினர் வெளியிட்டுள்ளனர். அதில் வாளை ஏந்திய குந்தவை திரிஷாவிடம் கண்களை கட்டிய படி வந்தியதேவன் கார்த்தி மண்டியிட்டு இருப்பது போன்று உள்ளது.

தமிழ் மட்டுமல்லாது தெலுங்கு, மலையாளம், கன்னடம், ஹிந்தி ஆகிய மொழிகளிலும் இந்த பாடல் வெளியாக உள்ளதாகவும் அறிவிக்கப்பட்டு தனித்தனி போஸ்டரை வெளியிட்டுள்ளனர்.

மேலும் சினிமா செய்திகளுக்கு இங்கே அழுத்தவும்

முக்கிய செய்திகள் பிரபலமானவை