தமிழ் சினிமாவின் திறமையான நடிகர்களில் ஒருவரான நாசர் சமீபத்தில் பகிர்ந்துள்ள உணர்ச்சிபூர்வமான கருத்துக்கள் ரசிகர்களிடையே வைரலாகி வருகின்றன. தனது நீண்டகால திரைப்படப் பயணத்தில் 700க்கும் மேற்பட்ட படங்களில் நடித்துள்ள அவர், பல்வேறு கதாபாத்திரங்கள் மூலம் பாராட்டுகளை பெற்றுள்ளார்.
இந்நிலையில், 'எம்டன். மகன்' திரைப்படம் குறித்து அவர் பகிர்ந்த அனுபவம் அனைவரையும் நெகிழ்ச்சியடைய வைத்துள்ளது. “நான் பல படங்களில் நடித்திருந்தாலும், இந்தப் படம் பார்த்த பிறகு பலர் என் நடிப்பைப் பற்றி பேசவில்லை. அதற்கு பதிலாக, ‘சார், நீங்க என் அப்பாவை நினைவூட்டிட்டீங்க’ என்று உணர்ச்சியுடன் கூறினார்கள்,” என அவர் தெரிவித்தார்.
மேலும், இந்த பாராட்டுகள் அனைத்தும் தன்னுடையது அல்ல, படத்தின் இயக்குநரான திருமுருகன் அவர்களுக்கே சேர வேண்டும் என்றும் நாசர் குறிப்பிட்டார். ஒரு நடிகராக பல எமோஷனல் கதாபாத்திரங்களில் நடித்திருந்தாலும், இந்தப் படம் தான் ஒவ்வொரு குடும்பத்திலும் தன்னை ஒரு அங்கமாக உணர வைத்தது என அவர் கூறினார்.
இந்த உருக்கமான பகிர்வு, ஒரு நடிகரின் உண்மையான திருப்தி பாராட்டுகளிலல்ல, பார்வையாளர்களின் மனதில் ஏற்படும் உணர்வுகளில் இருப்பதை வெளிப்படுத்துகிறது. நாசர் அவர்களின் இந்த கருத்துக்கள் தற்போது சமூக வலைத்தளங்களில் பரவலாக பேசப்பட்டு வருகின்றன.
.png)
.png)
Listen News!