தமிழ் சினிமா மற்றும் தொலைக்காட்சி ரசிகர்களுக்குப் பெரிய இழப்பாக, மூத்த நடிகரும், பல வருடங்களாக தமிழ், தெலுங்கு மற்றும் மலையாளம் எனப் பல மொழிப் படங்களில் கலக்கிய ராஜேஷ் அவர்கள் இன்று காலமானார். உடல்நலக் குறைவால் அவர் இன்று திங்கட்கிழமை (மே 29, 2025) காலை காலமானதாக அவரது குடும்பத்தினர் உறுதிப்படுத்தியுள்ளனர்.
75 வயதான ராஜேஷ், பல வருடங்களாக சினிமாவிலும், டீவியிலும் தன்னுடைய தனித்துவமான நடிப்பால் அனைவரையும் கவர்ந்திருந்தார். அவருடைய மறைவு தமிழ் திரையுலகில் ஒரு பெரிய இழப்பாகக் கருதப்படுகின்றது.
ராஜேஷ் தனது நடிப்பு வாழ்க்கையைத் தொடக்கத்தில் தொடர்கதைகள் மற்றும் நாடக மேடைகளில் தொடங்கியவர். அதன் பின், திரைக்கதையில் அதிக அக்கறை காட்டிய அவருக்கு 1980களில் பெரிய திரை வாய்ப்பு கிடைத்தது.
அவரது ஆரம்ப கட்டப் படங்களில் ஒன்றாகக் கருதப்படும் "கன்னி பருவத்திலே" திரைப்படம், ரசிகர்களிடம் நல்ல வரவேற்பைப் பெற்றது. இதில் நடித்ததன் மூலம் திரையுலகில் அவரது இயற்கையான நடிப்பு மற்றும் நுணுக்கமான உணர்வுப் பிரதிபலிப்புகள் சுட்டிக்காட்டப்பட்டன.
ராஜேஷ் பல்வேறு படங்களில் நடித்தாலும், அவரை சினிமா ரசிகர்கள் எப்போதும் நினைவுகூரப்போகும் சில முக்கியமான திரைப்படங்களாக, "சிறை", "சாமி" மற்றும் "ஆட்டோகிராப்" என்பன காணப்படுகின்றன. திரைப்படங்களில் இருந்து மெல்ல மெல்ல டீவி தொடர்களில் நுழைந்த ராஜேஷ், விஜய் டீவி, சன் டீவி மற்றும் ஜீ தமிழ் உள்ளிட்ட பல தொலைக்காட்சிகளில் தனது அழுத்தமான நடிப்பால் பூரிப்பை ஏற்படுத்தினார்.
ராஜேஷின் மறைவுக்குப் பிறகு, திரையுலகில் இருந்து பலரும் தங்களுடைய இரங்கல்களையும், நினைவுகளையும் பகிர்ந்துள்ளனர். அத்துடன் இவரின் இறுதிச் சடங்கு நாளை நடைபெறும் என குடும்பத்தார் தெரிவித்துள்ளனர்.
_6837f2acc2f96.jpg)
-1715351400_6839b86adc3f6.jpg)
_683988adc66c2.jpg)
_68382619bbb37.webp)
.png)
.png)
Listen News!