மாரி செல்வராஜ் இயக்கத்தில் துருவ் விக்ரம் முதன்முறையாக நடித்திருக்கும் திரைப்படம் ‘பைசன்’. இப்படத்தில் துருவுக்கு ஜோடியாக அனுபமா பரமேஸ்வரன் நடித்துள்ளார். இது ஒரு கபடி வீரரின் வாழ்க்கை வரலாற்றை மையமாகக் கொண்டு உருவாகியுள்ள படமாகும். சமூகச் சிந்தனைகள் கொண்ட கதைகள் மூலம் தனக்கென ஒரு தனித்துவமான இடத்தை உருவாக்கியுள்ள மாரி செல்வராஜ், ஒரு உண்மை சம்பவத்தை அடிப்படையாகக் கொண்டு படத்தை இயக்கியுள்ளார்.
பா. ரஞ்சித்தின் நீலம் புரொடக்ஷன்ஸ் மற்றும் அப்ளாஸ் எண்டர்டெயின்மென்ட் நிறுவனங்கள் இணைந்து தயாரித்துள்ள இந்த படம், தீபாவளி பண்டிகையை முன்னிட்டு வரும் அக்டோபர் 17-ம் தேதி உலகமெங்கும் திரையரங்குகளில் வெளியிடப்பட இருக்கிறது. தற்போது இப்படத்தின் படப்பிடிப்பு முழுமையாக முடிந்த நிலையில், இறுதிக்கட்ட பணிகள் தீவிரமாக நடைபெற்று வருகின்றன.
இந்த நிலையில், ‘பைசன்’ படத்தின் முதல் சிங்கிள் பாடலாக ‘தீக்கொளுத்தி’ எனும் பாடல் இன்று வெளியிடப்பட்டுள்ளது. திரைப்படக் குழுவின் அதிகாரபூர்வ அறிவிப்பின் மூலம் இந்த பாடல் ரசிகர்களிடம் வந்தடைந்துள்ளது. இந்த பாடலின் வரிகளை இயக்குநர் மாரி செல்வராஜ் நேரடியாக எழுதியுள்ளார் என்பது சிறப்பம்சமாகும். இசையமைப்பாளர் நிவாஷ் இசையமைத்த இந்த பாடலை நிவாஷ் பிரசன்னா தான் பாடியுள்ளார்.
சமூக மற்றும் விளையாட்டு வாழ்வை ஒன்றிணைக்கும் இந்த திரைப்படம், ரசிகர்களிடையே பெரும் எதிர்பார்ப்பை ஏற்படுத்தியுள்ளது.
.png)
.png)
Listen News!