தென்னிந்திய திரையுலகில் மிகவும் எதிர்பார்ப்புடன் உருவாகிய ‘அகண்டா 2’ திரைப்படம், நேற்று வெளியாகும் என்று ரசிகர்கள் எதிர்பார்த்தனர். ஆனால், வெளியீடு எதிர்பார்த்தபடி நடைபெறவில்லை. இந்தச் செய்தியால் ரசிகர்கள் பெரும் அதிர்ச்சியடைந்தனர்.
இது குறித்து படத்தின் தயாரிப்பு நிறுவனம், “எதிர்பாராத சூழ்நிலையால் ‘அகண்டா 2’ திரைப்படம் திட்டமிட்டபடி வெளியாகாது என்பதை வருத்தத்துடன் தெரிவித்துக் கொள்கிறோம். புதிய ரிலீஸ் தேதியை விரைவில் அறிவிப்போம்.” என்றனர்.
இந்த அறிவிப்பு வெளியானவுடன், ரசிகர்கள் மற்றும் திரையுலக வட்டாரங்களில் பல்வேறு கணிப்புகள் எழுந்தன. பின்னர், படத்தின் வெளியீட்டை தடை செய்த காரணம் பற்றிய தகவல்கள் வெளியாகத் தொடங்கின.
பின்னர் அறியப்பட்ட தகவலின் படி, தயாரிப்பு நிறுவனம் EROS International நிறுவனத்திற்கு செலுத்த வேண்டிய ரூ.28 கோடி தொகையை வழங்கவில்லை என தெரிவிக்கப்பட்டது. இதன் காரணமாக, ‘அகண்டா 2’ திரைப்படம் திட்டமிட்டபடி வெளியாக அனுமதிக்கப்படவில்லை.
இந்த நிலையில், படத்தை ரிலீஸ் செய்ய தயாரிப்பாளர்களின் முயற்சிகள் வெற்றி பெறவில்லை. பணப்பிரச்சினை தொடர்பான விவகாரங்கள் மையம் பெறுவதால், திரைப்பட ரசிகர்கள் மற்றும் படத்துடன் தொடர்புடைய தொழில்நுட்ப வட்டாரங்களில் பரபரப்பு அதிகரித்தது.
இந்நிலையில், புதிய தகவல்கள் வெளியாகியுள்ளன. மத்தியஸ்தர் உத்தரவின்படி, தயாரிப்பு நிறுவனம் செலுத்த வேண்டிய ரூ.27.70 கோடியை வழங்காமல் இருப்பதால், பாலய்யாவின் ‘அகண்டா 2’ திரைப்படத்தை வெளியிட இடைக்கால தடை விதிக்கப்பட்டுள்ளது.
இவ்வழக்கு விசாரணைக்கு பட்டியலிடும் வரை தொடரும் எனவும் தகவல்கள் தெரிவிக்கின்றன. மேலும், பணப்பிரச்சினை தொடர்பான வழக்கை விசாரிக்கும் போது, தனி நீதிபதி தேவையான நேரத்தில் தடையை நீட்டிப்பது குறித்து முடிவு எடுக்கலாம் எனவும் தகவல்கள் வெளியாகியுள்ளன.
.png)
.png)
Listen News!