தமிழ் சினிமாவின் முக்கியமான இயக்குநர்களில் ஒருவராக திகழும் வெற்றிமாறன் இன்று தனது 50வது பிறந்த நாளை கொண்டாடி வருகிறார். கடந்த 18 ஆண்டுகளாக திரைத்துறையில் நிலையான இடத்தை பிடித்துள்ள அவர், நான்கு தேசிய திரைப்பட விருதுகளை இயக்குநராகவும், மேலும் ஒரு விருதை தயாரிப்பாளராகவும் பெற்றுள்ளார்.
சமூக வலைத்தளங்களில் வெற்றிமாறனுக்கு ரசிகர்கள், திரையுலக பிரமுகர்கள், கலையுலகத்தினர் பலரும் வாழ்த்துகளைத் தெரிவித்துள்ளனர். இந்தக் கொண்டாட்ட தருணத்தில், பிரபல தயாரிப்பாளர் கலைப்புலி எஸ். தாணு தனது X (முன்னாள் ட்விட்டர்) பக்கத்தில் இயக்குநர் வெற்றிமாறனுக்கு இனிய பிறந்த நாள் வாழ்த்துகளை தெரிவித்துள்ளார்.
வாழ்த்துக்களோடு மட்டுமல்லாமல், ரசிகர்களுக்காக ஒரு சிறப்பு அப்டேட்டையும் தாணு வெளியிட்டுள்ளார். "இயக்குநர் வெற்றிமாறனுடன் இணைந்து உருவாகும் எங்கள் அடுத்த திரைப்படம் குறித்த அதிகாரபூர்வ அறிவிப்பு விரைவில் வரும்," என அவர் தெரிவித்துள்ளார். இது ரசிகர்களிடையே பெரிய எதிர்பார்ப்பை உருவாக்கியுள்ளது.
வெற்றிமாறனின் படைப்புகள் ஒவ்வொன்றும் சமூகத்தின் குறைகள், மனிதனின் உணர்வுகள், நெடுங்கால சிந்தனைகளை வெளிப்படுத்தியவை. அவரது அடுத்த படமானது எந்த வகை கொண்டிருக்கும் என்பது திரையுலகில் தற்போது பெரும் காத்திருப்பாக உள்ளது.
_68b826b1aa940.jpg)
.png)
.png)
Listen News!